చిరుని డిన్నర్ కి పిలిచిన మోహన్ బాబు అని తెలిసింది. వివరాల్లోకి వెళితే బాలీవుడ్, టాలీవుడ్, కోలీవుడ్, కర్ణాటక సినీ స్టార్స్ నాలుగు టీములుగా "సి.సి.యల్" (సెలబ్రిటీ క్రికెట్ లీగ్) మ్యాచులు ఇటీవల జరిగాయి. ఈ సిసియల్ మ్యాచ్ ని తమిళ సూపర్ స్టార్స్ అంటే చెన్నై రైనోస్ గెల్చుకోవటం మనకు తెలిసిందే. ఈ సందర్భంగా హైదరాబాద్ కి విచ్చేసిన ముంబాయ్, చెన్నై, కర్ణాటక సినీ స్టార్లను తన ఇంటికి డిన్నర్ కి ఆహ్వానించారు కలెక్షన్ కింగ్, పద్మశ్రీ, డాక్టర్ మోహన్ బాబు.

వాళ్లతో పాటుగా తన ఆత్మీయ మిత్రులు మెగాస్టార్, డాక్టర్ చిరంజీవిని కూడా ఆ డిన్నర్ కి ఆహ్వానించారు. ఈ డిన్నర్‍ పార్టీకి షాట్ గన్ శతృఘ్న సిన్హా, ఆయన కూతురు ప్రముఖ బాలీవుడ్ హీరోయిన్ సోనాక్షీ సిన్హా, సీనియర్ హీరో ధర్మేంద్ర, సీనియర్ హీరోయిన్ శ్రీదేవి, ఆమే భర్త బోనీ కపూర్, కర్ణాటక సీనియర్ హీరో అంబరీష్ తదితరులు కూడా హాజరైన వారిలో ఉన్నారు. ఈ విషయాన్ని సోనాక్షీ సిన్హా తన ట్విట్టర్ లో ట్వీట్ చేసింది.