పెళ్లి చేసుకుంటానని మోసం చేశాడంటూ ఇటీవల పలువురు సినీ సెలబ్రిటీలపై కేసులు నమోదయ్యాయి. ఇప్పుడు ఆ లిస్టులో మరో నటుడు చేరాడు. తాజాగా సినీ నటుడు శ్రీతేజ్‌ పై కూకట్‌పల్లి పోలీస్ స్టేషన్ లో కేసు నమోదైంది. పెళ్లి చేసుకుంటానని నమ్మించి మోసం చేశాడంటూ ఓ యువతి చేసిన ఫిర్యాదు మేరకు అతనిపై కేసు నమోదైంది.

గతంలోనూ శ్రీతేజ్‌పై ఓ కేసు నమోదైంది. పెళ్లయిన ఒక మహిళతో శ్రీతేజ్‌ వివాహేతర సంబంధం పెట్టుకోగా, ఆ విషయం తెలిసి గుండెపోటుతో ఆ మహిళ భర్త మరణించినట్లు తెలుస్తోంది. దీనిపై మాదాపూర్ పీఎస్‌లో మృతుడి కుటుంబ సభ్యుల ఫిర్యాదు చేసినట్లు సమాచారం. అయితే ఆ కేసు విచారణలో ఉండగానే, శ్రీతేజ్‌ పై ఇప్పుడు మరో కేసు నమోదైంది. కాగా ప్రస్తుతం నటుడు శ్రీతేజ్‌ అజ్ఞాతంలో ఉన్నట్లు తెలుస్తోంది. శ్రీ తేజ్ పై BNS 69, 115(2),318(2) సెక్షన్ ల కింద కేస్ నమోదు చేసిన పోలీసులు.

ప్రస్తుతం బడా సినిమాలలో శ్రీ తేజ్ నటిస్తున్నాడు. త్వరలో విడుదల కానున్న భారీ చిత్రం 'పుష్ప-2'లో శ్రీతేజ్ కూడా నటించాడు. అదే సినిమాలో నటించిన మరో నటుడు జగదీశ్ సైతం గతంలో ఒక మహిళ మృతి కేసులో అరెస్ట్ కావడం గమనార్హం.