జూనియర్ ఎన్టీఆర్ (Jr NTR) హీరోగా కొరటాల శివ దర్శకత్వంలో రూపొందిన పాన్ ఇండియా మూవీ 'దేవర' (Devara) సెప్టెంబర్ 27న థియేటర్లలో అడుగుపెట్టనుంది. ఈ సినిమాపై భారీ అంచనాలు ఉన్నాయి. ఈ మూవీతో 'ఆర్ఆర్ఆర్' తర్వాత ఎన్టీఆర్ ఖాతాలో మరో బ్లాక్ బస్టర్ పడటం ఖాయమని అభిమానులు నమ్మకంగా ఉన్నారు. ఇప్పుడు ఆ నమ్మకాన్ని మ్యూజిక్ డైరెక్టర్ అనిరుధ్ రెట్టింపు చేశాడు.

తాను సంగీతం అందించే భారీ చిత్రాల విడుదలకు ముందు.. పవర్ ఫుల్ ఎమోజీలతో అనిరుధ్ తన మార్క్ స్పెషల్ ట్వీట్ చేస్తుంటాడు. 'జైలర్', 'జవాన్', 'లియో' సినిమాల విడుదలకు ముందు.. అనిరుధ్ అలాగే ట్వీట్ చేయగా అవి బ్లాక్ బస్టర్ అయ్యాయి. 'దేవర' రిలీజ్ కి ముందు కూడా అనిరుధ్ నుంచి అటువంటి ట్వీట్ కోసం అభిమానులు ఎంతగానో ఎదురుచూస్తున్నారు. ఈ క్రమంలో తాజాగా 'దేవర' గురించి తన మార్క్ ట్వీట్ చేసిన అనిరుధ్.. బ్లాక్ బస్టర్ స్టాంప్ వేసేశాడు. దీంతో ఫ్యాన్స్ ఫుల్ ఖుషీ అవుతున్నారు.