తగ్గేదేలే అనే ఒకే ఒక్క డైలాగ్ తో ఇండియా మొత్తాన్ని షేక్  చేసిన హీరో అల్లు అర్జున్. భారీ ఫ్యాన్ బేస్ కూడా బన్నీ సొంతం. అలాగే ఆయనకి సంబంధించిన న్యూస్ ఏదైనా రావాలే గాని నిమిషాల్లో వైరల్ అవుతుంది. తాజాగా లేటెస్ట్ న్యూస్ ఒకటి వైరల్ గా మారింది.

 కొన్ని రోజుల క్రితం బన్నీ అంతర్జాతీయ డ్రైవింగ్ లైసెన్స్ కోసం అప్లై చేసాడు.  ఈ రోజు అధికారుల నుంచి కబురు అందటంతో హైదరాబాద్ లోని ఖైరతాబాద్ ఆర్టిఓ ఆఫీస్ కి వెళ్ళాడు. అధికారులు దగ్గర్నుండి మరి  లైసెన్సు ని అందచేశారు. ఈ సమయంలో  సిబ్బంది  బన్నీతో ఫోటోలు దిగటానికి పోటీపడింది. అనంతరం  అక్కడనుంచి వెళ్ళిపోయాడు.ఇక  బన్నీ  ఖైరతాబాద్  వస్తున్న ముందస్తు సమాచారం ఆర్మీ కి తెలియలేదు కాబట్టి సరిపోయింది. లేదంటే పోలీసులకి ఫుల్ పని ఉండేదనే మాటలు వినపడుతున్నాయి. పోలీసులు కూడా అదే మాట అనుకుంటున్నారు.బన్నీ తన ఫ్యాన్స్ ని ఆర్మీ అంటాడనే విషయం అందరకి తెలిసిందే.

    

ఇక బన్నీ ప్రస్తుతం పుష్ప 2  తో బిజీగా ఉన్నాడు. తన అభిమానులకి ఎలాగైనా మంచి హిట్ ని అందివ్వాలనే కసితో ఉన్నాడు. కొన్ని రోజుల క్రితమే వైజాగ్ లో షెడ్యూల్ ని కంప్లీట్ చేసుకొని వచ్చింది. బన్నీ కెరీర్ లోనే హయ్యస్ట్ బడ్జట్ తో ఆ మూవీ  రూపుదిద్దుకుంటుంది. పుష్ప పార్ట్ 1 కాంబోనే 2 కి  రిపీట్ అవుతుంది. ఫ్యాన్స్ కి కూడా భారీ అంచనాలే ఉన్నాయి