ఇండస్ట్రీతో సంబంధం లేకుండా ఏ హీరోకైనా "డ్రీమ్ రోల్"  ఉండడం సహజం. చాలాకొద్ది మంది మాత్రమే తాము చేయాలనుకొని కలలు గానే పాత్రలను దక్కించుకోగలుగుతారు. అయితే.. నటుడిగా ఇప్పటికే బోలెడు వైవిధ్యమైన చిత్రాల్లో నటించిన అక్షయ్ కుమార్ కు కూడా ఓ పాత్ర పెండింగ్ లో ఉండిపోయిందట. "కాంచన, ప్రేమకథా చిత్రమ్" తరహాలో అక్షయ్ కుమార్ కు కూడా ఒక హారర్ కామెడీ సినిమా చేయాలనుందట. అయితే.. ఇప్పటివరకూ ఎవరూ తనవద్దకు హారర్ కామెడీ సబ్జెక్ట్ తో రాలేదని, ఇకపై వచ్చేవారు ఆ తరహా కథను రెడీ చేసుకొని రావాల్సిందిగా కోరాడు అక్షయ్.

కాగా.. అక్షయ్ నటించిన తాజా చిత్రం "రుస్తుం" ఆగస్ట్ 22న ప్రేక్షకుల ముందుకురానుంది. ఇలియానా కథానాయికగా నటించిన ఈ చిత్రంలో అక్షయ్ కుమార్ ఓ నేవల్ ఆఫీసర్ గా నటించాడు!