English | Telugu
హాలీవుడ్ మూవీ 'మిషన్ ఇంపాజిబుల్ 7'లో ప్రభాస్!!
Updated : May 26, 2021
బాహుబలి తరువాత రెబల్ స్టార్ ప్రభాస్ రేంజ్ మారిపోయింది. వరుస పాన్ ఇండియా సినిమాలతో దూసుకుపోతున్నాడు. ప్రస్తుతం రాధేశ్యామ్, సలార్, ఆదిపురుష్ వంటి భారీ బడ్జెట్ సినిమాలతో ఫుల్ బిజీగా ఉన్నాడు. అయితే తాజాగా ప్రభాస్ గురించి ఓ ఇంట్రెస్టింగ్ అప్ డేట్ చక్కర్లు కొడుతోంది. ప్రభాస్ ఓ క్రేజీ హాలీవుడ్ మూవీలో నటించనున్నాడని ప్రచారం జరుగుతోంది.
హాలీవుడ్ సినిమా ‘మిషన్ ఇంపాజిబుల్ 7’లో ప్రభాస్ నటించనున్నారని వార్తలు వస్తున్నాయి. క్రిస్టోఫర్ మెక్ క్వారీ దర్శకత్వంలో తెరకెక్కనున్న ఈ సినిమాలో టామ్ క్రూజ్ తో కలసి ప్రభాస్ స్క్రీన్ షేర్ చేసుకోనున్నట్లు టాక్ వినిపిస్తోంది. ఇండియన్ యాక్టర్ ప్రభాస్ ‘మిషన్ ఇంపాజిబుల్ 7’ లో ఓ కీలక పాత్ర చేయడానికి ముందుకు వచ్చారని డైరెక్టర్ క్రిస్టోఫర్ కూడా ఓ ఇంటర్వ్యూలో చెప్పినట్లు సమాచారం.
గత ఏడాది ‘రాధేశ్యామ్’ షూటింగ్ కోసం ప్రభాస్ ఇటలీ వెళ్లినప్పుడు డైరెక్టర్ క్రిస్టోఫర్ ప్రభాస్ ను కలిసి స్క్రిప్ట్ నెరేట్ చేశాడట. ఆ స్క్రిప్ట్ కి ప్రభాస్ గ్రీన్ సిగ్నల్ ఇవ్వడమే కాకుండా తన పాత్రకు సంబంధించిన సన్నివేశాల చిత్రీకరణను కూడా పూర్తి చేశాడని న్యూస్ చక్కర్లు కొడుతోంది. కాగా, ‘మిషన్ ఇంపాజిబుల్ 7’ సినిమా 2022 మే 27న విడుదల కానుంది.