మ‌న‌దేశంలో ప్ర‌జ‌లు బాగా ఇష్ట‌ప‌డే విష‌యాల్లో సినిమా, క్రికెట్ ముందు వ‌రుస‌లో ఉంటాయి. సినిమా పిచ్చి, క్రికెట్ పిచ్చి అనే మాట‌లు ప‌లుకుబ‌డులుగా మారిపోయాయంటే అతిశ‌యెక్తి కాదు. సినిమా స్టార్ల‌ను మించి క్రికెట‌ర్ల‌ను అభిమానించే వాళ్లున్నారు. ఇండియ‌న్ క్రికెట్‌లో స్టార్ క్రికెట‌ర్స్‌గా రాణించే వాళ్ల‌ను అభిమానించే వాళ్లు ఎలా ఉంటారో, వాళ్ల‌తో ప్రేమ‌లో ప‌డేవాళ్లూ అలాగే ఉంటారు. సినిమా తార‌లు అందుకు మిన‌హాయింపు కాదు. ఒక‌ప్ప‌టి బాలీవుడ్ అందాల తార ష‌ర్మిలా ఠాగూర్ ఇండియ‌న్ క్రికెట్ జ‌ట్టు కెప్టెన్‌గా వ్య‌వ‌హ‌రించిన మ‌న్సూర్ అలీఖాన్ ప‌టౌడీ (టైగ‌ర్ ప‌టౌడీ)ని ప్రేమించి పెళ్లాడిన విష‌యం మ‌న‌కు తెలుసు. ఇటీవ‌లి కాలంలో చూసుకుంటే ఇండియ‌న్ క్రికెట‌ర్ల‌తో ప్రేమ‌లో ప‌డి, వాళ్ల‌ను మ్యారేజ్ చేసుకున్న తార‌లు ఎవ‌రంటే.. 

అనుష్కా శ‌ర్మ - విరాట్ కోహ్లీ

బాలీవుడ్ స్టార్ హీరోయిన్ అనుష్కా శ‌ర్మ‌, ఇండియ‌న్ స్టార్ క్రికెట‌ర్ విరాట్ కోహ్లీ ఒక ద‌శాబ్దం క్రితం ఓ యాడ్ షూట్‌లో క‌లిసి పాల్గొన్న‌ప్పుడు తొలిసారి క‌లిశారు. తొలిచూపులోనే వారి క‌ళ్ల‌తో పాటు మ‌న‌సులూ క‌లిశాయి. త‌మ అనుబంధాన్ని ప్రైవేట్‌గానే ఉంచిన వారు, 2017లో గ్రాండ్‌గా జ‌రిగిన ఓ ప్రేవేట్ వేడుక‌లో పెళ్లాడారు. ఈ ఏడాది జ‌న‌వ‌రిలో వారికి వామిక అనే పాప పుట్టింది.

సాగ‌రిక ఘ‌ట్గే - జ‌హీర్ ఖాన్‌

'చ‌క్ దే ఇండియా'తో తెరంగేట్రం చేసిన మోడ‌ల్ సాగ‌రిక ఘ‌డ్గే, ఫాస్ట్ బౌల‌ర్ జ‌హీర్ ఖాన్ కామ‌న్ ఫ్రెండ్స్ ద్వారా క‌లిశారు. త్వ‌ర‌లోనే ఆ ఇద్ద‌రూ ప్రేమ‌లో ప‌డ్డారు. మ‌రో క్రికెట‌ర్‌-యాక్ట్రెస్ పెళ్లిలో క‌లిసి పాల్గొన్న‌ప్పుడు వాళ్లు రిలేష‌న్‌షిప్‌లో ఉన్న విష‌యం బ‌హిర్గ‌త‌మైంది. 2017లో నిశ్చితార్ధం జ‌రుపుకున్న ఆ ఇద్ద‌రూ న‌వంబ‌ర్‌లో దంప‌తులుగా మారారు.

హాజెల్ కీచ్ - యువ‌రాజ్ సింగ్‌

ర‌వితేజ 'కిక్' సినిమాలో ఓ ఐట‌మ్ సాంగ్‌లో డాన్స్ చేసి, స‌ల్మాన్ ఖాన్ మూవీ 'బాడీగార్డ్‌'తో బాలీవుడ్‌లో అడుగుపెట్టిన హాజెల్ కీచ్‌, ఆల్‌రౌండ‌ర్ యువ‌రాజ్ సింగ్ 2011లో ఓ కామ‌న్ ఫ్రెండ్ ఇచ్చిన పార్టీలో క‌లుసుకున్నారు. హాజెల్‌ను ప్రేమ‌లో దింప‌డానికి యువ‌రాజ్‌కు కొంత స‌మ‌యం ప‌ట్టింది. 2016లో వారి వివాహం జ‌రిగింది. ఆ వేడుక‌లోనే జ‌హీర్‌, సాగ‌రిక రిలేష‌న్‌షిప్‌లో ఉన్న విష‌యం ధ్రువ‌ప‌డింది.

గీతా బ‌స్రా - హ‌ర్భ‌జ‌న్ సింగ్‌

'దిల్ దియా హై' సినిమాతో హీరోయిన్‌గా ఎంట్రీ ఇచ్చిన గీతా బ‌స్రా, ఆఫ్ స్పిన్న‌ర్ హ‌ర్భ‌జ‌న్ సింగ్ 2015 ప్రాంతంలో డేటింగ్ ప్రారంభించారు. రెండేళ్ల త‌ర్వాత ఆ ఇద్ద‌రూ పెళ్లి చేసుకున్నారు. ఇప్ప‌టికే వారికి ఓ కుమార్తె ఉండ‌గా, ఇప్పుడు రెండో బిడ్డ‌ను క‌నేందుకు సిద్ధంగా ఉంది గీత‌.

న‌టాసా స్టాంకోవిక్ - హార్దిక్ పాండ్యా

అమితాబ్ బ‌చ్చ‌న్‌, అజ‌య్ దేవ్‌గ‌ణ్ కాంబో ఫిల్మ్ 'స‌త్యాగ్ర‌హ‌'లో ఓ స్పెష‌ల్ నంబ‌ర్‌కు డాన్స్ చేయ‌డం ద్వారా బాలీవుడ్‌కు ప‌రిచ‌య‌మైన సెర్బియ‌న్ గాళ్ న‌టాసా స్టాంకోవిక్‌, ఆల్‌రౌండ‌ర్ హార్దిక్ పాండ్యా ఓ పార్టీలో తొలిసారి క‌లిసిన‌ప్పుడే మ‌న‌సులు ఇచ్చిపుచ్చుకున్నారు. వెంట‌నే డేటింగ్ మొద‌లు పెట్టేశారు. 2020 మొద‌ట్లో నిశ్చితార్ధం జ‌ర‌గ‌గా, లాక్‌డౌన్ టౌమ్‌లో పెళ్లాడారు. గ‌త ఏడాది జూలైలోనే వాళ్ల‌కు అగ‌స్త్య అనే కొడుకు పుట్టాడు. అంటే నిశ్చితార్ధం జ‌రిగేనాటికే న‌టాసా గ‌ర్భం దాల్చింద‌న్న మాట‌.