కింగ్ నాగార్జున కెరీర్ లో పలు మెమరబుల్ హిట్స్ ఉన్నాయి. అయితే, ఒకే ఏడాదిలో తను నటించిన మూడు వరుస చిత్రాలు విజయం సాధించడమన్నది మాత్రం ఒకే ఒకసారి జరిగింది. ఈ మూడు చిత్రాలు కూడా మ్యూజికల్ గానూ మెప్పించడం విశేషం.

ఆ వివరాల్లోకి వెళితే.. 2000 సంవత్సరంలో నాగ్ నుంచి మొత్తం మూడు సినిమాలు వచ్చాయి. వాటిలో తొలి చిత్రమైన 'నువ్వు వస్తావని' ఏప్రిల్ 5న జనం ముందుకు వచ్చింది. అప్పట్లో నాగార్జున కెరీర్ లోనే హయ్యస్ట్ గ్రాసర్ మూవీ ఇదే కావడం విశేషం. ఆపై సెప్టెంబర్ 14న వచ్చిన 'నిన్నే ప్రేమిస్తా', సెప్టెంబర్ 29న రిలీజైన 'ఆజాద్' కూడా మంచి విజయాన్నే సాధించాయి. కేవలం రెండు వారాల వ్యవధిలో విడుదలైన ఈ రెండు సినిమాల్లోనూ సౌందర్య నాయికగా నటించడం విశేషం. నిన్నే ప్రేమిస్తాలో నాగ్ ది పూర్తి స్థాయి పాత్ర కాదు.. ఫ్లాష్ బ్యాక్ లో వచ్చే చాలా ఇంపార్టెంట్ రోల్. ఏదేమైనా.. 2000 లాగా మరే ఏడాదిలోనూ నాగ్ కి మూడు వరుస హిట్స్ లేకపోవడం గమనార్హం.