తెలుగుదేశం పార్టీ గ్రేటర్ హైదరాబాద్ అధ్యక్షుడిగా మాజీ మంత్రి తలసాని శ్రీనివాస యాదవ్ నియమితులయ్యారు. పాదయాత్రలో ఉన్న చంద్రబాబు తలసాని శ్రీనివాస యాదవ్ ను పిలిచి బాధ్యతలు అప్పగించారు. తలసాని నియామకం ఎప్పుడో ఖాయమైనా.. అధికారిక ప్రకటన రావడానికి సమయం పట్టింది. ఈ సందర్భంగా తలసాని మాట్లాడుతూ తాను ఒక సైనికుడిగా పనిచేసి తెలుగుదేశం అంటే ఏమిటో చూపిస్తానని అన్నారు. తలసానిని ఓ దశలో ఆయన పార్టీని వీడుతారన్న ప్రచారం కూడా జరిగింది. తనకు బద్ధ శత్రువైన దేవేందర్ గౌడ్ ను తిరిగి పార్టీలోకి రానివ్వడం, రాజ్యసభ సభ్యుడిగా చేయడం ఆయనకు రుచించలేదు. ఐతే అసమ్మతి బాటలో వెళ్తున్న తలసానిని చంద్రబాబు తాజాగా పదవి కట్టబెట్టడంతో తలసాని కథ సుఖాంతమైంది.