మతాంతర వివాహం...55 మంది సిక్కులు అరెస్ట్
posted on Sep 12, 2016 @ 12:12PM
మతాంతర వివాహం అడ్డుకున్న సిక్కులను పోలీసులు అరెస్ట్ చేశారు. ఈ ఘటన ఇంగ్లాండ్ లో చోటుచేసుకుంది. వివరాల ప్రకారం.. సెంట్రల్ ఇంగ్లాండ్ లోని లీమింగ్టన్ స్పా ప్రాంతంలో ఉన్న సిక్కు దేవాలయం గురుద్వారలో సిక్కు యువకుడు, ముస్లిం యువతి వివాహం చేసుకుంటుండగా.. వారిని అడ్డుకునేందుకు సిక్కులు ప్రయత్నించారు. దీంతో పోలీసులు అక్కడికి చేరుకొని 55 మందిని బ్రిటన్ పోలీసులు అరెస్ట్ చేశారు. వారి దగ్గర నుండి వారు సంప్రదాయంగా ధరించే ఆయుధాలను స్వాధీనం చేసుకున్నారు. ఈ గురుద్వారాలో కులాంతర, మతాంతర వివాహాలు పెరగడంతో, ఆందోళన వ్యక్తం చేసిన సిక్కు సంఘాలు దాదాపు 8 గంటల పాటు గురుద్వార బయట నిరసన ప్రదర్శనలు చేశాయని, స్థానికంగా ఉద్రిక్తత తలెత్తుతుందన్న ఉద్దేశంతోనే వీరిని అదుపులోకి తీసుకున్నట్టు పోలీస్ అధికారి డేవిడ్ గార్డెనర్ వెల్లడించారు.
మరోవైపు యూకే సిక్ కౌన్సిల్ సెక్రటరీ గుర్మీల్ సింగ్ మాట్లాడుతూ..తాము మతాంతర వివాహాలకు తాము వ్యతిరేకం కాదని, అయితే, అందుకు గురుద్వారాలను వాడుకోవడాన్నే వ్యతిరేకిస్తున్నామని అన్నారు.