ఢిల్లీ ఎక్సైజ్ పాలసీలో అవకతవకలు జరిగాయన్న ఆరోపణలపై మనీలాండరింగ్ దర్యాప్తులో భాగంగా శుక్రవారం దేశవ్యాప్తంగా దాదాపు 40 ప్రదేశాల్లో ఈడి  తాజా దాడులు ప్రారంభించినట్లు అధికారిక వర్గాలు తెలిపాయి. నెల్లూరు, ఆంధ్రప్రదేశ్, కర్ణాటక, తమిళనాడు, ఢిల్లీ-ఎన్‌సీఆర్‌లోని మరికొన్ని నగరాల్లోని మద్యం వ్యాపా రులు, పంపిణీదారులు, సరఫరా గొలుసు నెట్‌వర్క్‌లకు సంబంధించిన స్థలాల్లో సోదాలు నిర్వహిస్తు న్నారు.

ఢిల్లీతో పాటు తెలంగాణ, ఆంధ్రప్రదేశ్, కర్ణాటక, తమిళనాడు రాష్ట్రాల్లో ఎన్‌ఫోర్స్‌మెంట్ డైరెక్టరేట్ సోదా లు జరుపుతోంది. తెలంగాణలో హైదరాబాద్, ఆంధ్రప్రదేశ్‌లో నెల్లూరులోని  పలు ప్రదేశాల్లో సోదాలు జరుపుతోంది. బెంగళూరు, చెన్నై‌లో కూడా సోదాలు చేపడుతోంది. హైదరాబాద్ సహా పలు ప్రాంతాల్లో ఇదివరకే ఒకసారి ఈడీ తనిఖీలు నిర్వహించింది. ఈ లిక్కర్ స్కామ్‌కు సంబంధించి సీబీఐ చేసిన ప్రాథమిక దర్యాప్తు ఆధారంగా మనీలాండరింగ్ ఆరోపణలపై ఈడీ దర్యాప్తు సాగుతోంది.

హైదరాబాద్‌లో ఇదివరకు అరుణ్ రామచంద్రన్ పిళ్లై, ప్రేమ్సాగర్ రావు, అభిషేక్ తదితరుల నివా సాలు, కార్యాలయాల్లో ఈడీ సోదాలు జరిపింది. వీరంతా రాబిన్ డిస్టిలరీ కంపెనీలో డైరెక్టర్లుగా ఉన్నారు. ఇటీవలి సోదాల్లో వెలుగుచూసిన సమాచారం ఆధారగా శుక్రవారం మరికొన్నిచోట్ల సోదాలు జరుపు తున్నారు.

సెప్టెంబర్ 6న దేశవ్యాప్తంగా దాదాపు 45 చోట్ల సోదాలు నిర్వహించిన తర్వాత ఈ కేసులో ఫెడరల్ ఏజెన్సీ నిర్వహిస్తున్న రెండో రౌండ్ దాడులు ఇది. ఎక్సైజ్ పాలసీలో మనీలాండరింగ్‌కు సంబంధించిన ఎన్ ఫోర్స్‌మెంట్ డైరెక్టరేట్ (ఈడి) కేసు సిబిఐ ఎఫ్‌ఐఆర్ నుండి వచ్చింది, ఇందులో ఢిల్లీ ఉప ముఖ్య మంత్రి మనీష్ సిసోడియా,  కొంతమంది అధికారులను నిందితులుగా పేర్కొన్నారు.

ఎక్సైజ్ పాలసీని ఇప్పుడు వెనక్కి తీసుకున్నారు. ఈ కేసులో సిసోడియా (50), ఐఏఎస్ అధికారి, ఢిల్లీ మాజీ ఎక్సైజ్ కమిషనర్ అరవ గోపీ కృష్ణ నివాసాలతో పాటు ఏడు రాష్ట్రాలు, కేంద్ర పాలిత ప్రాంతాల్లోని 19 ఇతర ప్రాంతాల్లో సీబీఐ ఆగస్టు 19న దాడులు నిర్వహించింది. సిసోడియా అరవింద్ కేజ్రీవాల్ నేతృ త్వం లోని ఢిల్లీ ప్రభుత్వంలో ఎక్సైజ్, విద్యతో సహా పలు పోర్ట్‌ఫోలియోలను కలిగి ఉన్నారు.

గత ఏడాది నవంబర్‌లో తీసుకొచ్చిన ఢిల్లీ ఎక్సైజ్ పాలసీని రూపొందించి అమలు చేయడంలో అవకత వకలు జరిగాయా, అలాగే నిందితులు కళంకిత డబ్బుకు సంబంధించి కొన్ని నేర ఆదాయాలు సంపాదిం చారా అనే ఆరోపణలపై ఈడి విచారణ జరుపుతోంది. ఈ కేసుకు సంబంధించి తీహార్ జైలులో ఉన్న ఆప్ నాయకుడు, మంత్రి సత్యేందర్ జైన్‌ను కూడా ఏజెన్సీ శుక్రవారం ప్రశ్నించే అవకాశం ఉంది, అలా చేయడానికి స్థానిక కోర్టు నుండి అనుమతి పొందింది.