పామును ముక్కలు ముక్కలుగా నమిలాడు... చనిపోయాడు..
posted on May 14, 2016 @ 5:06PM
పామును చూస్తేనే భయపడతాం.. అలాంటిది పామును నోటితో ముక్కలు ముక్కలుగా చేయడం.. వింటేనే భయంగా ఉంది కదా.. కానీ జార్ఖండ్ లో ఇలాంటి విచిత్రమైన ఘటనే చోటుచేసుకుంది. వివరాల ప్రకారం.. జార్ఖండ్, లతేహార్ జిల్లాలోని రంతు ఓరన్ (50) అనే వ్యక్తి తన ఇంట్లో నిద్రపోతున్నాడు. అయితే సడెన్ గా పక్కింట్లో నుండి అతనికి పెద్దగా కేకలు వినిపించడంతో పరుగుపరుగున వెళ్లి చూడగా అక్కడ అతనికి ఓ నాగుపాము పడగ విప్పి బుసలు కొడుతూ కనిపించింది. ఈ క్రమంలో దానికి పట్టుకోవడానికి ప్రయత్నించిన అతనిని పాము మూడుసార్లు కాటేసింది. దీంతో కోపం వచ్చిన రంతు వెంటనే పామును తీసుకొని నోటితో కొరికి ముక్కలు ముక్కులుగా చేసేశాడు. కానీ పాము కాటేయడం వల్ల అప్పటికే విషం శరీరమంతా వ్యాపించడంతో అతను అక్కడికక్కడే కుప్పకూలిపోయాడు. ఆస్పత్రికి తీసుకెళ్లినా కూడా ఫలితం లేకుండా పోయింది. అప్పటికే అతను మరణించాడు. కాగా కాటేసిన పామును కొరికి చంపడం వల్ల శరీరంలోకి ఎక్కిన విషం విరిగిపోతుందని జార్ఖండ్ లోని గిరిజనుల నమ్మకం.