ఇప్పుడే ఇక్కడే
    
  

నువ్వో
  సైంటిస్టువి కావాలంటే
   ఆర్టిస్టువి కావాలంటే
ముందుగా
   కమ్యూనిస్టువి కావాలి
నువ్వు
     కమ్యూనిస్టువి కావాలి
మంచి
    కమ్యూనిస్టువి కావాలి
నువ్వు
  భూమి మరామత్ చెయ్యాలంటే
లేమి హజామత్ చెయ్యాలంటే
ముందుగా
కమ్యూనిస్టువి కావాలి
నువ్వు
చంద్రలోకం చేరాలంటే
కుజగోళం తాకాలంటే
ముందుగా
కమ్యూనిస్టువి కావాలి
నువ్వు
పచ్చ పచ్చగా బతకాలంటే
ఎర్ర ఎర్రగా ఎదగాలంటే
మంచి
కమ్యూనిస్టువి కావాలి
నువ్వు
కమ్యూనిస్టువి కావాలి
నువ్వు
అవినీతిని చీల్చి చెండాడే
పనిగా ఇక మారాలంటే
అక్షౌహిణుల అన్యాయాలను
కౌక్షేయంతో నరకాలంటే
ముందుగా నువ్వో
కమ్యూనిస్టువి కావాలి
నువ్వు
కమ్యూనిస్టువి కావాలంటే
మనిషిగా జీవించాలంటే
ఇప్పుడే ఎర్ర సేనలో కలియాలి
నువ్వు ఎర్ర సేనలో కలియాలి
ఇక్కడే నువ్వు
ఖడ్గం చేబూని కదలాలి
వీర ఖడ్గం చేబూని కదలాలి

                                                                                        రచన : 15-4-73
                                              ముద్రణ : మరో ప్రస్థానం , విరసం ప్రచురణ - మే, 1980