అబ్బులు బిందురేఖ జబ్బులు వదిలిపెట్టకుండానే " సారీ" అన్నాడు.
" చేతులు తియ్యండి" అంది బిందురేఖ బోలెడు కోపం ప్రదర్శస్తూ.
" ఎక్కడినుంచి?" అని అబ్బులు అనేసి పొరపాటు గ్రహించి బిందురేఖ జబ్బ లొదిలి " సారీ!" అన్నాడు మరో సారి.
" సారీ చెప్పటం తప్ప మరేం పనిలేదా?" అంది బిందురేఖ.
" అమ్మయ్యో బోలెడు పనుంది" అని అబ్బులు భూతద్దాలు సరిచేసుకుని ఆగిపోయాడు.
" కళ్ళజోడు సరిచేసుకువడమా?"
" కాదండి."
" మీరేమిటండీ."
" అప్పుడప్పుడు అందమైన అమ్మాయిలను చూసీ చూడక ఢీ కొనడం కూడానండి. సారీ! అది నా తప్పు కాదండి నా కళ్ళజోడు తప్పండి."
" ఇప్పుడు తప్పంతా మి జోడుదన్నమాట. మిద కాదన్నమాట?"
" అంతేకదండి మరి?"
" సిగ్గు లేకపోతే సరి!"
" ఎవరికండీ?" అమాయకంగా భూతద్దాల్లోంచి అల్చిప్పల్లోకి చూస్తూ అడిగాడు అబ్బులు.
" నాకు, సరేనా!" కోపంగా అందు బిందురేఖ.
" ఆడపిల్లలకు సహజమే కదండి" అన్నాడు అబ్బులు అదేదో సామాన్య విషయం అన్నట్లు.
" ఇంతేసేపు మి ఎదురుగుండా నుంచిని మాట్లాడటం సిగ్గు సిగ్గు" అని బిందురేఖ మరింత కోపంతో భూమ్మిద కాలితో తన్ని గిర్రున తిరిగి వెళ్ళిపోయింది.
" ఏమండి. ఏమండి! మి పేరు చెప్పిపొండి. ప్లీజ్" అన్నాడు అబ్బులు.
బిందురేఖ వెనుతిరిగి అబ్బులి దగ్గరకొచ్చి సీరియస్ గా ఆల్చిప్పల్లోంచి భూతద్దల్లోకి చూస్తూ " మికు తెలివుందా?" అని గద్దించి అడిగింది.
" ఉందండి" ఠకీమని సమాధానం చెప్పాడు అబ్బులు.
" అయితే మి చెయ్యి చాపండి" అంది బిందురేఖ
ఏమాత్రం ఆలస్యం చేయకుండ చెయ్యి చాచాడు అబ్బులు.
బిందురేఖ అబ్బులి అరచేతిలో ఓ రేఖ మిద వేలుమ్చి " ఈ గీత- మి శరీరం మిద చెమట పడుతుందే ఆ చెమటలో ఓ చుక్కా- కలిపితే నా పేరొస్తుంది.
ఆడపిల్లని ఢీ కొనటం ఓ తెలివి కాదు. చుక్కా గీతా కలిసిన ఈ పజిల్ సాల్వ్ చేయండి. నా పేరు కనుక్కోండి. అదీ తెలివి" అని గిర్రున వెనుతిరిగి వెళ్ళిపోయింది బిందురేఖ.
" చుక్కా గీత, గీతా చుక్క" అని మననం చేసుకుంటూ బాత్ రూమ్ వైపు బయలు దేరాడు అబ్బులు.
అబ్బులు ఎంత ఆలోచించినా చుక్క గీతకి సరి అయిన అర్ధం తియలేకపోయాడు.
స్నానం కానిచ్చి గడికొచ్చి గదిలో అడుగు పెడుతూనే అడిగాడు " ఓరోరి కుంతీపుత్రా? నీకు తెలివుందా?" అని.
వ్యాకర్ణ తెల్లబోయి తెప్పరిల్లి " ఇప్పుడు తెలివితో పనేమొచ్చిందిరా అబ్బాయ్" అన్నాడు.
" చెప్పెదను. ఓ అందమైన అమ్మాయికి మహా అందమైన పేరుంది. ఆ పేరు మనకి తెలియదు.
మా అల్లా! చుక్క అంటే చెమట చుక్క. గీత అంటే అరచేతిలో గీత. కలిపితే ఆ అమ్మాయి పేరొస్తుంది.