అబ్బులు, వ్యాకర్ణ నీరు కారిపోతూ నంచున్నారు. " ఈ పిల్ల మరీ ముఖం మిద నవ్వేస్తుంది. బొత్తిగా మేనర్స్ తెలియదు" అని మనసులో తిట్టుకున్నాడు అబ్బులు.
" జయచిత్ర గడుగ్గాయి ఓసారి అల్లరి చేయాలి" అని వ్యాకర్ణ మనసులో మండిపడ్డాడు జయచిత్ర మిద.
వెంటనే చిరునవ్వు చెమటపట్టిన ముఖాన పులుముకుని పొగడ్త పాటాల్లో పదహారో అధ్యాయానికి వెళ్లారు.
" ఏంటో, జయచిత్రగారు ఈ రోజు పదమూడేళ్ళ కన్యలా వున్నారు" అన్నాడు వ్యాకర్ణ.
" మరే" అంటూ తల తాటించి భూతద్దాల సవరించుకున్నాడు అబ్బులు.
" స్వీట్స్ చాలా తియ్యగా వున్నాయి."
" మరే, జయచిత్రగారి లాగానే."
" కోపంగా చూస్తున్నా అందంగా వున్నారు."
" వున్నారు."
" ఎందుకని?"
" ఏమో?"
జయచిత్ర మధ్యలో కలుగ చేసుకుంది. " నే వెళుతున్నాను. మిరిద్దరూ యిలా వాదులాడుకుంటూ వుండండి.
ఈరోజు స్వీట్స్ పంచిపెట్టడానికి కారణం నా బర్త్ డే" అంటూ పారిపోయింది అక్కడినుంచి.
" బర్త్ డేయా?" నోరు తెరిచాడు వ్యాకర్ణ.
" అంటే పుట్టినరోజా?" తల తడుముకున్నాడు అబ్బులు.
" రెండూ ఒకటే."
" తెలుసు."
" ఏం తెలుసు?"
" రెండూ ఒకటే అని జయచిత్ర బర్త్ డే అని..."
" అఘోరించావ్. ముందే చెప్పి ఏడ్వకూడదూ?"
" ఏడ్వోచ్చు, నా బర్త్ డే నాడు ఏడుస్తారా అని పాత చెప్పు తీస్తుంది."
" పాయింటే, యిప్పుడేం చేద్దాం!"
" ఏదయినా ప్రజంటేషన్ కొని యిద్దాము."
" ఏం ప్రజెంటేషను?"
" పాలపీక."
" తిసెయ్యి."
" పోనీ గిలక్కాయ."
" అదీ తిసెయ్యి."
" రెండు జడల సీత బొమ్మ."
" వద్దు, వద్దు, అజీర్తి."
" పళ్లు రాలకొడతాను ఏది చెప్పినా పనికిరాదంటా వేమిటిరా?"
" జయచిత్ర పాలుతాగే పాపాయిటరా! పాలపీకలు చీరపీకలుటరా యిచ్చేది? బుద్ధుందా లేదా? వుంటే అదేమ చేస్తున్నది? గడ్డి తింటున్నదా? మనసంటూ వున్నదా? ఉంటే అదేమ చేస్తున్నది? మేత మేయటానికి వెళ్ళిందా" అంటూ వ్యాకర్ణ కోపగించుకున్నాడు.
అబ్బులు భూతద్దాల కళ్ళజోడులోంచి వ్యాకర్ణని ఎగాదిగా చూసి " కధ చాలాదూరం పోయింది" అన్నాడు.
తెల్లబోయాడు వ్యాకర్ణ. "కదా! ఏం కధ, దూరం పోవటం ఏమిటి? ఏమా కధ? ఏమిటా మాటలు? మనసులో ఒకటి పెట్టుకుని పైకి మరొకటి అఘోరించకు. చెప్పేదేదో ముక్కుసూటిగా చెప్పి తగలడు" అంటూ మరోసారి గయ్యి మన్నాడు.
" బర్త్ డే అంటే పుట్టిన రోజు. అంటే పుట్టినప్పుడే పుట్టినరోజు అంటారు. అంతే..."
" ఈ అంటే మరొకసారి అంటే మాట సాగదీశా వంటే చంపేస్తాను. పాతేస్తాను."
" ఛీ_ ఛీ _ ఈ మధ్య నా నోట్లోంచి ఏ మాట వచ్చినా చంపేస్తాను. నరికేస్తాను అంటున్నావు. ఇదంతా ఆ జయచిత్రమ్మ తల్లిని చూసింతరువాత పుట్టింది నీకు.