" బామ్మాగారే" అన్నాడు అబ్బులు భూతద్దాలల్లోంచి బోలెడు కోపంతో చూస్తూ.
" అలా చెప్పరా అబ్బాయీ! సాక్షాత్తూ మి బామ్మకి తోడికోడలి చెల్లెలన్న మాట" అన్నాడు ధర్మరాజు .
" ఈయన పెళ్లాం ఈయనతో ఎలా కాపురం చేస్తున్నదిరా?"
" ఈయన్నడిగే బదులు ఈయన పెళ్లాన్ని అడుగుదాము. బాత్ రూమ్ కెళ్ళినప్పుడు.
" ఆవిడకి చెముడు లేదు. నీ తాట వలిచేస్తుంది."
" పోనీ ఈయన్నే అడుగుదాము."
" అడిగి చూడు."
వీళ్ళ దోవన వీళ్ళు మాట్లాడుకుంటూంటే ధర్మరాజు అడిగేది అడిగేస్తున్నాడు.
తన ప్రశ్నలకి జవాబిస్తున్నారానుకుని సంతోషపడి వినయ విధేయతలు మి వద్ద బాగా వున్నాయి అబ్బాయిలూ! మంచి లక్షణం" అన్నాడు.
" ఇదీ నయమేనురోయ్ అబ్బూ! ఈయనకి వినపడి చావకపోగా, వినపడినట్లు ప్రశ్నకి సమాధానం చెప్పుకుని వూరుకుంటున్నాడు ఏమిటీ? ఏమిటీ? అని వినపడ్డదాకా వేధించటం లేదు.
" నిజమేనురోయ్" అంటూ ఒప్పేసుకున్నాడు అబ్బులు.
" మిరు చదివేది ఏమిటోయ్?" ధర్నరాజు గారి ప్రశ్న.
" వాడు సెక్స్, నేను క్రైమ్ ."
" అదే మంచిదోయ్! ఐ. ఏ ఏస్. పరీక్ష పాస్ కావాలంటే మాటలా? రాత్రింబవళ్ళు బాగా చదువుకోండి."
" రామచంద్ర..." అన్నాడు వ్యాకర్ణ.
" ప్రభో" అని పూర్తి చేశాడు అబ్బులు.
జిడ్డు ధర్మరాజు ప్రశ్నలు యింకా పూర్తికాలేదు.
" మి స్వగ్రామం ఏదీ?" అన్నాడు.
" అదేలెండి" అన్నాడు అబ్బులు.
" అలాగే! మి అమ్మా నాన్నగారలు అక్కడే వుంటారా?"
" అంతేలేండి."
" ఆయనేం చేస్తున్నారో!"
" అదీ అంతేలెండి."
" ఆదాయం బాగా వస్తుందనుకుంటాను!"
" ఇదీ అంతే లేండి."
ఇహ నవ్వాపుకోలేక నవ్వేశాడు వ్యాకరణ.
వ్యాకర్ణ నవ్విం తరువాత అంతవరకు నవ్వు బిగపట్టు కున్న అబ్బులు నవ్వాడు.
వీళ్ళిద్దరూ నవవ్తం చూసి ఆ నవ్వటం తన్ని చూస్తేనే వచ్చిందనే అనుమానం వచ్చి ధర్నరాజు ముఖం ముడుచుకుని మళ్ళీ వచ్చి కలుస్తానబ్బాయిలూ?" అని చెప్పి లేచి వెళ్ళి పోయాడు విసుగ్గా.
ధర్మరాజు అటు వెళ్ళగానే " జిడ్డు వదిలే వుపాయం తెలిసింది రోయ్. అబ్బూ!" అన్నాడు వ్యాకర్ణ.
అబ్బులు కళ్ళజోడు సవరించుకుని " ఏమ్తిరా కర్ణా! ఆ మహా అస్త్రం!" అని నవ్వాపేసి సీరియస్ గా అడిగాడు.