స్థానబలం అంటే అదే మరి!

 

 

 

స్థానబలం అంటే అదే మరి!

 

 

నీట కుంజరమును నిలబెట్టు మొసలిని

బైట పిచ్చి కుక్క పరిభవించు

స్థానబలమఖండ శక్తి ప్రదమ్మురా

లలితసుగుణజాల! తెలుగుబాల!!

ఏనుగులాంటి జంతువు కూడా నీటిలోకి దిగినప్పుడు, అక్కడ మొసలి బారిన పడితే తప్పించుకోవడం కష్టం. ఎందుకంటే నీటిలో మొసలిదే కదా రాజ్యం! కానీ అదే మొసలి నేల మీదకి వచ్చినప్పుడు ఒక పిచ్చికుక్క కూడా దానిని వెంబడించి అవమానించగలదు. స్థానాన్ని బట్టి ఒకొక్కరి బలం అధికంగా ఉంటుంది. దానిని గమనించుకుంటూ ఉండాలి. ఎదుటివారి బలం ఎక్కువగా ఉన్న సందర్భాలలో తొందరపడకూడదు. మన బలం అధికంగా ఉన్నప్పుడు విర్రవీగనూ కూడదు.

 

..Nirjara