Top Stories

నేరం మాది కాదు ఉడుతది.. విద్యుత్ అధికారుల వినూత్న కథనం

ఆంధ్రప్రదేశ్ లో కనీవినీ ఎరుగని అద్భుతాలు జరుగుతున్నాయి. జగన్ హయాంలో ఎలుకలు, పిచ్చుకలు, తేనెటీగలు, ఆఖరికి ఉడుతలు కూడా రికార్డులు సృష్టించేస్తున్నాయి. జనం ప్రాణాలు తీయడానికి, సమాజంలో ఆశాంతిని నింపడానికి తమ వంతు కృషి చేస్తున్నాయి. చివరికి దొంగలు కూడా అధికార పార్టీ నేతలను కాపాడటానికి సాక్ష్యాలను మాయం చేయడానికి కోర్టుల్లో చోరీలు చేసి మరీ తమ వంతు సాయం అందిస్తున్నారు. ఇలాంటి సంఘటలను కల్పించి కథలలల్లడంలో ఏపీ అధికారులు ఆరితేరిపోయారు. ఆంధ్రప్రదేశ్ రాష్ట్రంలో అధికారులు కథలల్లడంలో నభూతో.. న భవిష్యత్ అన్నంత సృజనాత్మకత కనబరుస్తున్నారు. సన్నివేశాల కల్పనలో సినీ దర్శకులను మించి పోతున్నారు. సత్యసాయి జిల్లాలో హైటెన్షన్ వైర్లు తెగిపడి మహిళా కూలీలు మరణించడానికి కారణం ఉడుతలంటూ అధకారులు చెబుతున్నారు. గతంలో నెల్లూరు కోర్టులో దొంగలు పడి మంత్రి కాకాణి గోవర్థన్ రెడ్డికి వ్యతిరేకంగా ఉన్న సాక్ష్యాధారాల బ్యాగును మాత్రమే చోరీ చేశారని అధికారులు చెప్పిన సంగతి తెలిసిందే. ఈ దొంగలు కాకాణికి మంత్రి పదవి వచ్చిన వెంటనే ఆయనకు వ్యతిరేకంగా ఉన్న సాక్ష్యాధారాలను మాత్రమే చోరీ చేశారు. ఇంతకీ ఆ సాక్ష్యాలు ఏమిటంటే..  సోమిరెడ్డికి విదేశాల్లో వేల కోట్ల రూపాయల విలువైన ఆస్తులు ఉన్నాయని 2017లో కాకాణి ఆరోపించారు. ఇందుకు సంబంధించి కొన్ని రుజువులను కూడా బయటపెట్టారు. ఈ ఆరోపణలపై తీవ్రంగా స్పందించిన సోమిరెడ్డి.. నకిలీ పత్రాలు సృష్టించి తనపై అసత్యాలు ప్రచారం చేస్తున్నారని పేర్కొటూ నెల్లూరు రూరల్ పోలీస్ స్టేషన్‌లో ఫిర్యాదు చేశారు. కేసు నమోదు చేసుకున్న పోలీసులు దర్యాప్తు ప్రారంభించగా కాకాణి బయటపెట్టినవి నకిలీ పత్రాలుగా గుర్తించి చార్జిషీటు దాఖలు చేశారు. అందులో కాకాణినిని ఏ-1 నిందితుడిగా పేర్కొన్నారు. అలాగే, ఆ పత్రాలు సృష్టించిన పసుపులేటి చిరంజీవి అలియాస్ మణిమోహన్‌ను ఎ-2గా పేర్కొన్నారు.  ఈ కేసు నెల్లూరు నాలుగో ఏడీఎం కోర్టులో విచారణ దశలో ఉండగా.. కాకాణికి మంత్రి పదవి వచ్చింది. అదే రోజు  రాత్రి కోర్టులోకి చొరబడిన దొంగలు ఆ కేసుకు సంబంధించి భద్రపరిచిన డాక్యుమెంట్లు, ల్యాప్‌టాప్, నాలుగు మొబైల్ ఫోన్లను ఎత్తుకెళ్లారు.   నెల్లూరులోని నాలుగో ఏడీఎం కోర్టులో జరిగిన చోరీ అప్పట్లో తీవ్ర చర్చనీయాంశమైంది.  అప్పుడు పోలీసులు చెప్పిన కథ ఇది. ఇనుము దొంగలు కుక్కుల మొరగడంతో భయపడి కోర్టులోని పరుగెట్టారట.. ఎలాగా వచ్చాం కదా అని పత్రాలు చోరీ చేసి తీసుకెళ్లారట.. ఇదీ కథ..  ఇలాంటి కథలు  అధికారులు బోలెడు చెప్పారు. ఇక తాజాగా అధికారులు చెప్పిన ఉడుత కథ గతంలో చెప్పిన కహానీలన్నిటినీ మించిపోయిన సృజనాత్మకత, కాల్పనికతతో నిండిపోయింది. సత్యసాయి జిల్లాలో హైటెన్షన్ వైర్లను ఉడుతలు కొరికేయడం వల్లనే అవి తెగి రోడ్డుపై ఆటోలో వెళుతున్న కూలీలపై పడ్డాయట. ఈ ఘటనలో ఆరుగురు మహిళా కూలీలు మరణించారు. ఈ ఘటనలో సిబ్బంది నిర్లక్ష్యమా అయ్యోరామా ఎంత మాత్రం లేదని విద్యుత్ అధికారులు చెబుతున్నారు. విద్యుత్ అధికారుల ఉడుత కథ సామాజిక మాధ్యమంలో వైరల్ అయ్యింది. హైటెన్షన్ వైర్లు తెగిపడి ఆరుగురు మహిళా కూలీలు మరణించిన సంఘటనపై సర్వత్రా విద్యుత్ శాఖపై ఆగ్రహావేశాలు వెల్లువెత్తుతున్నాయి.  ఏపీ సర్కార్ విద్యుత్ సంస్థలకు నిర్వహణ ఖర్చులకూ నిధులు కేటాయించని కారణంగానే.. నిబంధనల ప్రకారం జరగాల్సిన తనిఖీలు నిలిచిపోయాయనీ, అందువల్లే సత్యసాయి జిల్లాలో హైటెన్షన్ వైర్లు తెగిపడేంతగా బలహీనపడినా ఎవరూ గుర్తించలేదని అంటున్నారు. తప్పును కప్పిపుచ్చుకోవడానికి విద్యుత్ అధికారులు ఉడుత కథలు చెబుతున్నారని విమర్శలు వెల్లువెత్తుతున్నాయి. ప్రమాదం జరిగిన వెంటనే విద్యుత్ శాఖ అధికారులు, ప్రభుత్వం తీరుపై తీవ్ర ఆగ్రహం కట్టలు తెంచుకుంటుండటంతో పారిస్‌లో ఉన్న జగన్ పేరుతో హడావుడిగా ఓ ప్రకటన  విడుదల చేసి మృతుల కుటుంబాలకు రూ. పది లక్షల నష్టపరిహారం ప్రకటించేసి చేతులు దులిపేసుకోవడానికే ప్రభుత్వం ప్రయత్నించిదే తప్ప,  విద్యుత్ అధికారుల   నిర్లక్ష్యం, నిర్లక్ష్యానికి బాధులపై చర్యల గురించి ఒక్క మాట కూడా మాట్లాడటం లేదు. వాస్తవానికి ఈ సంఘటన జరగడానికి పూర్తి కారణం ప్రభుత్వమేనని విపక్షాలు విమర్శిస్తున్నాయి. కనీస అవసరాలకు కూడా నిధులు కేటాయించకుండా విద్యుత్ శాఖ పని తీరును పూర్తిగా నిర్వీర్యం చేశారనీ, ఈ ప్రమాదానికి పూర్తి బాధ్యత ప్రభుత్వానిదేనని విపక్షాలు అంటున్నాయి. అధికారుల చేత ఉడుత కథలు చెప్పించి బాధ్యత నుంచి తప్పించుకోవడానికి ప్రభుత్వం ప్రయత్నిస్తోందన్న విమర్శలు వెల్లువెత్తుతున్నాయి. అయినా జగన్ హయాంలో అధికారులు కథలు చెప్పడంలో ఆరితేరిపోయారనడానికి ఇప్పుడు ఉడుత కథ.. అంతకు ముందు కాకాణి ఫైల్స్ సంఘటనలో చోరీ కథ ఇందుకు నిదర్శనాలని అంటున్నారు.
Publish Date: Jul 1, 2022 7:29AM

మోడీ పర్యటనకు ముందు తెలంగాణ బీజేపీకి బిగ్ షాక్!

తెలంగాణలో అత్యంత ప్రతిష్ఠాత్మకంగా  జాతీయ కార్యవర్గ సమావేశాలు నిర్వహించుకునేందుకు సర్వం సన్నద్ధమైన బీజేపీకి ఊహించని షాక్ తగిలింది. ప్రధాని నరేంద్ర మోడీ హైదరాబాద్ చేరుకోవడానికి రెండు రోజుల ముందు బీజేపీ నుంచి వలసలు ఆ పార్టీ రాష్ట్ర నాయకలకు కోలుకోలేని షాక్ ఇచ్చాయి. ఒకరు కాదు.. ఇద్దరు కాదు ఏకంగా నలుగురు బీజేపీ కార్పొరేటర్లు, తాండూరు మునిసిపాలిటీ బీజేపీ ఫ్లోర్ లీడర్ తో కలిసి గులాబి గూటికి చేరారు.  హస్తినాపురం కార్పొరేటర్ బానోతు సుజాత నాయక్, రాజేంద్రనగర్ కార్పొరేటర్ పొడవు అర్చన ప్రకాశ్, జూబ్లీహిల్స్ కార్పొరేటర్ వెంకటేశ్, అడిక్ మెట్ కార్పొరేటర్ సునీత ప్రకాశ్ గౌడ్ లతో పాటు తాండూరు మునిసినల్ బీజేపీ ఫ్లోర్ లీడర్ సింధూజా గౌడ్ లు మంత్రి కేటీఆర్ సమక్షంలో గులాబీ కండువా కప్పుకున్నారు. తాండూరు కౌన్సిలర్ ఆసిఫ్ కూడా టీఆర్ఎస్ తీర్ధం పుచ్చుకున్నారు. వీరందరికీ మంత్రి  కేటీఆర్ గులాబీ కండువాలు క‌ప్పి పార్టీలోకి ఆహ్వానించారు. ఈ కార్యక్రమంలో చేవెళ్ల ఎంపీ రంజిత్‌రెడ్డి, ఎమ్మెల్యేలు మాగంటి గోపినాథ్, దానం నాగేందర్, పైలెట్ రోహిత్‌రెడ్డి, సుధీర్‌రెడ్డి పాల్గొన్నారు. ఇటీవలే జీహెచ్ఎంసీ బీజేపీ కార్పొరేటర్లతో ఢిల్లీలో ప్రధాని మోదీ ప్రత్యేకంగా సమావేశమై ముచ్చటించిన సంగతి తెలిసిందే. అలాంటిది మోడీ మరో రోజులో జాతీయ కార్యవర్గ సమావేశాల కోసం హైద‌రాబాద్ కూడా రానుండగా వీరంతా బీజేపీకి గుడ్ బై చెప్పి కారెక్కడం రాజకీయంగా ప్రాధాన్యత సంతరించుకుంది. బీజేపీ రాష్ట్ర నాయకులకు మాత్రం ఇదొక తేరుకోలేని ఎదురుదెబ్బగానే పరిశీలకులు విశ్లేషిస్తున్నారు.
Publish Date: Jun 30, 2022 11:12PM

మహా సంక్షోభంలో థ్రిల్లింగ్ క్లైమాక్స్.. సీఎం షిండే.. డిప్యూటీ సీఎం ఫడ్నవీస్!

మ‌హారాష్ట్ర రాజ‌కీయాల్లో సినిమాల‌కు మించి ట్విస్ట్‌లు జ‌రుగుతున్నాయి. తాజాగా మ‌రో కొత్త ట్విస్ట్ తెర‌మీద‌కి వ‌చ్చింది. మహా రాష్ట్రలో గత కొన్ని రోజులుగా నెలకొన్న రాజకీయ అస్థిరతకు మొత్తానికి తెరపడింది. మహారాష్ట్ర గవర్నర్ సమక్షంలో నూతన ముఖ్యమంత్రిగా ఏక్‌నాథ్ శంభాజీ షిండే, ఉప ముఖ్యమంత్రిగా దేవేంద్ర ఫడ్నవీస్ ప్రమాణ స్వీకారం చేశారు. దీంతో ఇకపై మహారాష్ట్రలో శివసేన రెబల్ ఎమ్మెల్యేలు, బీజేపీతో కూడిన సంకీర్ణ ప్రభుత్వం పాలన సాగించనుంది. 1980లో శివసేన మాజీ అధ్యక్షుడు ఆనంద్ డిగే ప్రోత్సాహంతో ప్రత్యక్ష రాజకీయాల్లోకి ఏక్‌నాథ్ షిండే ఎంట్రీ ఇచ్చారు. శివసేనలో చేరి కార్పొరేటర్‌గా గెలిచారు. మాస్ లీడర్‌గా మంచి ఆదరణ సంపాదించుకున్న డిగే అడుగుజాడల్లో నడిచి ఏక్‌నాథ్ షిండే బలమైన నేతగా ఎదిగారు. 2004, 2009, 2014, 2019లో వరుసగా నాలుగు సార్లు ఎమ్మెల్యేగా ఎన్నికయ్యారు. కొప్రి-పచ్‌పఖాడి నియోజకవర్గం నుంచి షిండే ఎమ్మెల్యేగా ప్రాతినిధ్యం వహిస్తున్నారు.  డిప్యూటీ సీఎంగా బాధ్యతలు స్వీకరించిన బీజేపీ నేత దేవేంద్ర ఫడ్నవీస్ గతంలో మహారాష్ట్ర ముఖ్యమంత్రిగా పనిచేశారు. నాగ్‌పూర్ సౌత్ వెస్ట్ అసెంబ్లీ నియోజకవర్గం నుంచి ఫడ్నవీస్ ఎమ్మెల్యేగా ప్రాతినిధ్యం వహిస్తున్నారు. ఏక్‌నాథ్ షిండేతో పాటు 15మంది రెబెల్ ఎమ్మెల్యేల‌కు గ‌త‌వారం డిప్యూటీ స్పీక‌ర్ న‌ర‌హ‌రి జిర్వాల్ అన ర్హ‌త నోటీసులు జారీ చేసిన సంగ‌తి తెలిసిందే.  ఉద్ధ‌వ్ థాక్రే నాయ‌క‌త్వంలోని  మ‌హా వికాస్ అఘాడీ (ఎం వి ఎ) ప్ర‌భుత్వం త‌ర‌ఫు న్యాయ‌వాది దేవ ద‌త్ కామ‌త్ కోర్టులో వాద‌న‌లు వినిపించారు. అప‌రిష్కృతంగా వున్న స‌మ‌స్య‌లు ప‌రిష్క‌రించేవ‌ర‌కూ ఎలాంటి బ‌ల‌ప‌రీక్ష‌లు వుండ‌వ‌ని అన్నారు. కానీ అలాంటి ఆదేశా లు జారీచేయ‌డంవ‌ల్ల అన‌వ‌స‌ర సందిగ్ధ‌త చోటుచేసుకుంటుంద‌ని సుప్రీం కోర్టు పేర్కొ న్న‌ది.  ఏదైనా చట్ట విరుద్ధంగా జరిగితే, మీరు ఎప్పుడైనా ఈ కోర్టును సంప్ర‌దించ‌వచ్చు" అని పేర్కొన్న‌ది. అయితే ఇరువ‌ర్గాలు సుదీర్ఘ పోరాటానికే సిద్ధ‌ప‌డ్డాయి. క‌నుక ఈ వారంలో స‌భ‌లో బ‌లాన్ని నిరూపించుకో వాల‌ని ప్రభుత్వాన్ని మహారాష్ట్ర గ‌వ‌ర్న‌ర్ భ‌గ‌త్ సింగ్ కోష్యారి  కోరారు.  అందుకు  షిండే అందుకు సిద్ధ‌ప‌డ్డారు. ముఖ్య‌మంత్రి  ఉద్ధ‌వ్‌కు వ్య‌తిరేకంగా  తిరుగుబాటు ప్ర‌క‌టించిన రెబెల్స్ నేత షిండే త‌మ‌కు సుమారు 50 మంది ఎమ్మెల్యేల మ‌ద్ద‌తు వుంద‌ని, అందులో సుమారు 40 మంది శివ‌సేన‌వారే వున్నార‌న్నారు.  కాగా, షిండే వ‌ర్గంతో క‌లిసి ప్ర‌భుత్వ ఏర్పాటు అంశాన్ని బిజెపీ నాయ‌కులు చాలామంది ముంబైలో  దేవేం ద‌ర్ ఫ‌డ్న‌వీస్ నివాసంలో చ‌ర్చించార‌ని  స‌మాచారం. షిండే తో  క‌లిసి ప్ర‌భుత్వ ఏర్పాటుకు మాకు ఎలాంటి అభ్యంత‌ర‌మూ లేద‌ని పార్టీ నాయ‌కుడు సుధీర్ ముంగంతివా అన్నారు.   సుప్రీంకోర్టు నిర్ణ‌యం ప్ర‌క‌టించ‌గానే ఎన్‌సిపి సీనియ‌ర్ నాయ‌కులు మ‌హారాష్ట్ర ముఖ్య‌మంత్రి ఉద్ధ‌వ్ థాక్రేతో స‌మావేశ‌మ‌య్యారు. అయితే సభలో బలపరీక్షకు ముందే ఉద్ధవ్ థాక్రే రాజీనామా చేసేశారు. మరో వైపు శివసేన రెబల్స్ మద్దతుతో బీజేపీ మహారాష్ట్రలో ప్రభుత్వాన్ని ఏర్పాటు చేస్తుందని అంతా భావించారు. అయితే చివరి క్షణంలో బీజేపీ వ్యూహం మార్చుకుని షిండే నాయకత్వంలోని రెబల్స కు మద్దతుగా నిలిచింది. తొలుత శివసేన రెబల్స్ నేతృత్వంలోని ప్రభుత్వానికి బయట నుంచి మద్దతు ఇస్తామని చెప్పిన బీజేపీ ఆ తరువాత కొద్ది సేపటికే మనసు మార్చుకుని ప్రభుత్వంలో భాగస్వామిగా చేరింది. డిప్యూటీ సీఎంగా ఫడ్నవీస్ ప్రమాణ స్వీకారం చేశారు. ఇందుకు బీజేపీ అధిష్ఠానం ఆయనను ఒప్పించినట్లు చెబుతున్నారు. 
Publish Date: Jun 30, 2022 10:54PM

అ ఇద్దరి మధ్యనే పోటీ.. ప్రతిపక్షాలకు పరీక్ష!

రాష్ట్రపతి ఎన్నిక ప్రక్రియలో నామినేషన్ల ఘట్టం పూర్తయింది. రాష్ట్రపతి ఎన్నికల్లో పోటీ చేసేందుకు మొత్తం  115 నామినేషన్ పత్రాలు దాఖలయ్యాయి.అయితే,, ఎన్డీఏ రాష్ట్రపతి అభ్యర్థి ద్రౌపది ముర్ము, ప్రతిపక్షాల అభ్యర్థి యశ్వంత్ సిన్హా నామినేషన్ పత్రాలు ఆమోదం పొందాయని రాజ్యసభ సెక్రటరీ జనరల్ పీసీ మోదీ తెలిపారు. నిజానికి రాష్ట్రపతి ఎన్నికల్లో గెలుపు ఎవరిదో ముందుగానే తెలిసి పోయింది. ఎన్నికల ప్రక్రియ ప్రారంభంలో ఏంటో ఇంతో  అనుమానం ఉన్నా, బీజేపీ సారధ్యంలోని ఎన్డీఏ  గిరిజన మహిళ  ద్రౌపది ముర్మును టం అభ్యర్ధిగా ప్రకటించడంతోనే, అధికార కూటమి అభ్యర్ధి గెలుపు విషయంలో ఉన్న కొద్దిపాటి అనుమనాలు కూడా తొలిగి పోయాయి. ప్రతిపక్ష పార్టీల ఉమ్మడి అభ్యర్ధిగా పోటీ చేస్తున్న యశ్వంత్ సిన్హాకు దేశ రాజకీయాల్లో మంచి పలుకుబడి ఉన్నా, ప్రతిపక్ష పార్టీల మధ్య సయోద్యాత లేక పోవడం ఆయనకు, శాపంగా మారిందని, ఆయనను సమర్ధిస్తున్న పార్టీలు, నాయకులే మధ్యలోనే కాడి వదిలేశారు.  ప్రతిపక్ష పార్టీల ఉమ్మడి అభ్యర్ధి ఎంపికే ఓ ప్రహసనంగా సాగింది. చివరకు సిన్హా పేరు ఖరారైనా,  ప్రతిపక్ష పార్టీలలో గట్టిగా అయన వెంట నడిచే పార్టీలు ఏవీ, అంటే, ఏవీ కనిపించడం లేదు. మరోవంక  ఆయన నామినేషన్ విషయంలోనూ పొరపొచ్చాలు బయటకొచ్చాయి.ప్రతిపక్ష  పార్టీల ఉమ్మడి అభ్యర్ధి ఎంపికకు సంబంధించి తొలి అడుగు వేసిన మమతా బెనర్జీ, ఆ తర్వాత ఎందుకో వెనకడుగు వేశారు. నిజానికి యశ్వంత్ సిన్హా రాష్ట్రపతి అభ్యర్ధిగా ఎంపికయ్యే వరకు తృణమూల్ కాంగ్రెస్ పార్టీలో, ఆపార్టీ ఉపాధ్యక్షునిగా ఉన్నారు. అయినా, సిన్హా నామినేషన్ కార్యక్రమానికి ఆమె డుమ్మా కొట్టారు. అసలు, ఆయన్ని రాష్ట్రపతి అభ్యర్ధిగా ఎంపిక చేసిన, ఎన్సీపీ అధినేత శరద్ పవార్ అధ్యక్షతన జరిగిన ప్రతిపక్ష పార్టీల సమావేశానికి కూడా మమతా దీదీ హాజరు కాలేదు.  అదలా ఉంటే, సిన్హా నామినేషన్ వరకు, కాంగ్రెస్ ఉన్న కూటమితో కలిసేది లేదని, మొత్తం ప్రక్రియకు దూరంగా ఉన్న, తెరాస ఆ తర్వాత  యశ్వత్ సిన్హాకు ఓపెన్ గా మద్దతు ప్రకటించడమే కాకుండా పార్టీ కార్యనిర్వాహక అధ్యక్షడు కేటీఆర్ మందీ మార్బలంతో నామినేషన్ కార్యక్రమానికి హాజరయ్యారు. కాంగ్రెస్ అగ్రనేత రాహుల్ గాంధీతో చెట్టాపట్టాలేసుకు తిరిగారు. ఇప్పడు తెలంగాణలో అదొక రాజకీయ దుమారంగా మారింది. అదలా ఉంటే ఇప్పడు యశ్వత్ సిన్హా  ప్రచార యాత్రలో భాగంగా జులై 2 న హైదరాబాద్ వస్తున్నారు. ఈ సందర్భంగా తెరాస ఆయన తరపున  ఎంపీలు, ఎమ్మెల్యేల సమావేశం ఏర్పాటు చేసింది. ఈ సమావేశానికి కాంగ్రెస్ పార్టీ హాజరు అవుతుందా? లేదా అన్నది రాజకీయ మీమాంసగా మారింది. ఇప్పటికే, కాంగ్రెస్, తెరాస జట్టు కట్టారని  బీజేపీ పెద్ద ఎత్తున ప్రచారం ప్రారంభించింది. ఇప్పడు, ఆ బురద కడుక్కోవడంలో  రేవంత్ రెడ్డి సతమత మవుతున్నారు. అదలా ఉంటే, ఇప్పటికే బీజేడీ, జేఎంఎం, బీఎస్పీ ఎన్డీఏ అభ్యర్ధి ద్రౌపతి ముర్ముకు మద్దతు ప్రకటించాయి. ఇప్పడు తాజాగా, జేడీఎస్ కూడా ముర్ముకు మద్దతు ప్రకటించింది. పార్టీ నేత, కర్ణాటక మాజే ముఖ్యమంత్రి కుమార స్వామి ఈ మేరకు ప్రకటన చేశారు. ముర్ము జేడీఎస్ జాతీయ అధ్యక్షుడు, మాజీ ప్రధాని దేవెగౌడకు ఫోన్ చేసి మద్దతు కోరిన నేపధ్యంలో, ఆమెకు మద్దతు ఇవ్వాలని పార్టీ నిర్ణయించిందని  చెప్పారు. ఈ పరిణామాలు అన్నింటినీ గమనిస్తే, ప్రతిపక్షాల ఐక్యత ఎండమావిగానే ఉందని, ప్రతిపక్షాల ఐక్యతకు వేదికగా అవుతుంది ఆనుకున రాష్ట్రపతి ఎన్నిక రాజకీయం, ప్రతిపక్షాల అనైక్యతకు అద్దం పడుతోందని పరిశీలకులు భావిస్తున్నారు.  అదలా ఉంటే రాష్ట్రపతి ఎన్నిక ప్రక్రియలో నామినేషన్ల ఘట్టం పూర్తయింది. రాష్ట్రపతి ఎన్నికల్లో పోటీ చేసేందుకు మొత్తం  115 నామినేషన్ పత్రాలు దాఖలయ్యాయి.అయితే,, ఎన్డీఏ రాష్ట్రపతి అభ్యర్థి ద్రౌపది ముర్ము, ప్రతిపక్షాల అభ్యర్థి యశ్వంత్ సిన్హా నామినేషన్ పత్రాలు ఆమోదం పొందాయని రాజ్యసభ సెక్రటరీ జనరల్ పీసీ మోదీ తెలిపారు.దాఖలైన నామినేషన్ పత్రాలలో  28 నామినేషన్లను వివిధ సాంకేతిక కారణాల వల్ల ప్రాథమిక దశలోనే తిరస్కరించారు. 72 మంది అభ్యర్థులు దాఖలు చేసిన 87 నామినేషన్‌ పత్రాలను రిటర్నింగ్‌ అధికారి గురువారం పరిశీలించారు. అందులో నిబంధనల ప్రకారం దాఖలు చేయని 79 నామినేషన్ పత్రాలను తిరస్కరించారు. రాష్ట్రపతి ఎన్నికల నిబంధనల ప్రకారం ప్రతి నామినేషన్‌ను 50 మంది ఓటర్లు ప్రతిపాదించడం, మరో 50 మంది బలపరచడం తప్పనిసరి. ఇంతమంది మద్దతు కూడగట్టడం సామాన్య అభ్యర్థులకు సాధ్యం కాదు కాబట్టి చివరికి ఎన్డీఏ అభ్యర్థి ద్రౌపది ముర్ము, ప్రతిపక్షాల ఉమ్మడి అభ్యర్థి యశ్వంత్‌ సిన్హా మాత్రమే బరిలో మిగిలారు.  జులై 24తో ప్రస్తుత రాష్ట్రపతి రామ్నాథ్ కోవింద్ పదవీకాలం పూర్తవుతుంది. ఈ నేపథ్యంలో జులై 18న కొత్త రాష్ట్రపతి ఎన్నిక కోసం.. ఓటింగ్ నిర్వహిస్తారు. 21న కౌంటింగ్ చేపట్టనున్నారు. జులై 25న కొత్త రాష్ట్రపతి ప్రమాణ స్వీకారం చేస్తారు.
Publish Date: Jun 30, 2022 10:31PM

చీమ‌లా.. మ‌జాకా!

చీమ‌లు ఎక్క‌డ‌ప‌డితే అక్క‌డ క‌న‌ప‌డ‌తాయి. ఒక్క‌టిగానో,  గ్రూప్‌గానూ. ఏద‌యినా తిండి ప‌దార్ధం ద‌గ్గ‌రికి మాత్రం అనేక చీమ‌లు పోటీప‌డ‌వు, ఒక వ‌రుస‌గా వెళ్లి దాని మీద ప‌డి తింటాయి. అవి ఏ బెల్లం ముక్కనో లాక్కెళ్లం చూస్తూంటాం. ఏకంగా బాగా బ‌రువ‌యిన వ‌స్తువును లాక్కెళిపోవ‌డం విన్నారా?  ఏకంగా ఓ పెద్ద బంగారు గొలుసునే లాక్కెళ్లిపోయాయి. ఏదో ప‌చ్చ‌గా క‌దులుతోంద‌ని  నందా అనే వ్య‌క్తి  ప‌రిశీల‌న‌గా చూస్తే ఈ సంగ‌తి బ‌య‌ట‌ప‌డింది.  చీమ‌లు శ్ర‌మ‌జీవ‌నానికి గొప్ప ఉదాహ‌ర‌ణ‌. వాటి  మ‌ధ్య  ఐక్య‌త ప‌టిష్ట‌మైన‌ది.  చాలా దూరం నుంచి ఏద‌న్నా తిండి ప‌దార్ధం తెచ్చుకోవాలంటే అనేక చీమ‌లు క‌లిసిక‌ట్టుగా వెళ్లి తెచ్చుకుంటాయి.  అయితే ఈ బంగారు గొలుసు విష‌యంలో చీమ‌ల్ని దొంగ‌లుగా చిత్రీక‌రించ‌లేం. బ‌హుశా ఆ గొలుసుకి  చ‌క్కెర లాంటి ఏ తీపి ప‌దార్ధమో ప‌ట్టి వుండ‌వ‌చ్చు.  కొండ‌ల ప్రాంతంలో  ఎవ‌రు పారేసుకున్నారో ఏమో మ‌రి. వారి తినే ప‌దార్ధ‌మేదో దానికి అంటిందేమో.. అటుగా వ‌చ్చిన చీమ‌లు ఆ గొలుసును ప‌ట్టి లాక్కెళ్లాయి. అయితే ఇది ఎక్క‌డ జ‌రిగింద‌నేది తెలియ‌లేదు.  ఇది చూసిన అట‌వీశాఖాధికారి సుశాంత్ నందా  వీడియో తీసేరు.  వేలమంది చూసి ఆశ్చ‌ర్య‌పోయారు.  ఒక‌రిద్ద‌రు చీమ‌ల‌కూ దొంగ‌త‌నం అంట‌గ‌ట్టారు. మ‌రికొంద‌రు  ఏదో నెల్లాళ్ల‌పాటు తినే వ‌స్తువ‌నుకుని పాపం క‌ష్ట‌ప‌డి లాక్కెళుతున్నాయోమోన‌ని, గొప్ప టీమ్ వ‌ర్క్‌కి వుదాహ‌ర‌ణా అనీ అన్నారు. ఇంకొంద‌రు  చీమ‌ల రాణికి సైనికులు గొప్ప బ‌హుమ తిగా తీసికెళుతున్నాయోమోన‌నీ అన్నారు. ఎవ‌రేమ‌న్నా, చీమ లకు మ‌న‌లా బంగారం పిచ్చి వుండ‌దుగా! 
Publish Date: Jun 30, 2022 6:20PM

టీచ‌ర్‌ని గొర్రె అన్నారు.. ఆమె ఆనందంగా ఏడిచింది!

మ‌న‌లో తొంభై శాతం మందికి విద్యార్ధి ద‌శ‌లో మాథ్స్ టీచ‌ర్ అంటే భ‌యం. క్లాసులో అప్ప‌టిదాకా కాస్తంత స‌ర‌దాగా వున్నపుడు మాథ్స్ టీచ‌ర్ రావ‌డంతో భ‌యం త‌ర‌గ‌తి గ‌దంతా ఆవ‌హిస్తుంది. భ‌యంతో కూడిన గౌర‌వం ప్ర‌ద‌ర్శించ‌డం ప‌రిపాటి. టీచ‌ర్ లెక్క త‌ప్పుచేస్తే తిట్ట‌డం లేదా  కొట్ట‌డం  చాలా స‌హ‌జం. విద్యా ర్ధులు పెద్ద అవ‌మానంగా తీసుకోవ‌డ‌మూ అంతే స‌హ‌జం.  కానీ  ఒక  వూళ్లో 8వ త‌ర‌గ‌తి విద్యార్ధులు టీచ‌ర్ ని  గొర్రె అన్నారు. ఆమెకి వాళ్లు  త‌న‌ని అలా పిల‌వ‌డంలో అస‌లు అర్ధం చాలా రోజుల త‌ర్వాత  తెలిసి ఎంతో ఆనందించింది.  ఇంత‌లా అభిమానించారా అని క‌న్నీళ్ల ప‌ర్యంత‌మ‌యింది. త‌న విద్యార్దులు త‌న‌ను గొర్రె అని పిలిచారు. ఆ పిల‌వ‌డంలో అంత‌రార్ధం ఏమిటో తెలీక టీచ‌ర్  చాలా బాధప‌డింది. ఆ మాట‌కు అర్ధ‌మేమిటి, పిల్ల‌లు త‌న‌ను అలా ఎందుకు పిలిచి వుంటారో ఎవ‌రైనా చెప్ప గ‌ల‌రా అని ఏకంగా సోష‌ల్ మీడియా రెడిట్ లో  ఈమ‌ధ్య‌నే  పోస్ట్ చేసింది. అది చ‌దివిన చాలామంది ఆమెను బాధ‌ప‌డ న‌వ‌స‌రం లేద‌ని అన్నారు. కార‌ణం టీచ‌ర్‌ని పిల్ల‌లు  ప్రేమ‌గానే  అలా స‌ర‌దాగా పిలిచా ర‌ని అర్ధంచేసు కోమని  నెటిజ‌న్లు  వివ‌ర‌ణ ఇచ్చారు.  కొంద‌రు విద్యార్ధ‌ల‌కూ మాథ్స్‌ టీచ‌ర్లంటే  గౌర‌వం వుంటుంది. వాళ్లూ స‌ర‌దాగా వారిలో వారు అలా నిక్‌నేమ్‌తో  పిలుచుకుంటూంటారు. బ‌హుశా ఈ టీచ‌ర్ అది వినే వుంటారు. పాపం ఎంతో బాధ‌ప‌డీ వుంటారు.  గౌర‌వం వ్య‌క్తం  చేయ‌డంలో పిల్ల‌ల ప‌ద్ధ‌తి వేరుగా వుంటుంద‌నేది  ఆమె కాస్తంత  ఆల‌స్యంగానే తెలుసు కున్నారు.  త‌న‌ను గొర్రె అని పిల‌వ‌డంలో వారికి త‌న ప‌ట్ల ఎంతో అభిమానం, గౌర‌వం వుంద‌ని అందుకే అలా పిలిచేవార‌ని నెటిజ‌న్ల వివ‌ర‌ణ‌తో ఆమె ఎంతో పొంగిపోయింది. ఈసారి తిట్టుకోలేదు. భ‌డ‌వ‌ల్లారా ఇన్నాళ్లూ ఇంత ప్రేమాభిమానాల‌ను దాచుకున్నార్రా అని ఆనందంతో క‌న్నీళ్ల ప‌ర్యంత‌మ‌య్యారు ఆ టీచ‌ర్‌. టీచ‌ర్ల‌కు విద్యార్ధుల నుంచి డ‌బ్బులు అక్క‌ర్లేదు. మంచి విద్యార్ధులు, మంచి వ్య‌క్తులుగా స‌మా జంలో నిల‌వ‌డ‌మే కోరుకుంటారు. ఇంతటి  అభిమానమే ఆశిస్తారు.   
Publish Date: Jun 30, 2022 5:39PM