నీ నామమే అన్నింటికీ మూలం!
నీ నామమే అన్నింటికీ మూలం!
ముదమున కాటపట్టుభవ మోహమద్వ దిరదాంకుశంబు సం
పదల కొటారు కోరికల పంట పరంబున కాది వైరుల
న్నదల జయించుత్రోవ విపదబ్ధికినావగదా సదాభవ
త్సదమలనామసంస్మరణ దాశరథీ కరుణాపయోనిధీ!
తాత్పర్యం: ఓ దశరథ రామా! నీ నామస్మరణ సంతోషాలకు ఆటపట్టు,
భవబంధాలను అణచివేసే అంకుశము,
సకల సంపదలను అందించే వరం,
మోక్షాన్ని కలిగించే సాధనం,
శత్రువులను జయించే మార్గం,
ఆపదలనే సముద్రాన్ని దాటించే నావ.
...Nirjara