సుమ అడ్డా కామెడీ షో నెక్స్ట్ వీక్ ప్రోమో రీసెంట్ గా రిలీజ్ అయ్యింది.  ఈ షోకి విశ్వక్‌ సేన్‌ నటించిన `గ్యాంగ్స్ ఆఫ్‌ గోదావరి` మూవీ టీమ్‌ సందడి చేసింది. విశ్వక్‌సేన్‌, డైరెక్టర్ కృష్ణచైతన్య, కమెడియన్లు పాల్గొని సందడి చేశారు. ఇందులో విశ్వక్‌ సేన్‌ ఇచ్చిన కౌంటర్స్ కి సుమ షాకైపోయింది. సమ్మర్ కాబట్టి విశ్వక్‌ సేన్‌ చేతికి ముంజకాయ ఇచ్చింది సుమ. అది చూశాక.." ఇదే చెట్టుకు వేరే మెటీరియల్ వస్తుంది కదా" అంటూ కౌంటర్ వేసాడు.

ఇక సుమ కూడా రివర్స్ కౌంటర్ వేద్దామని అనుకుంది. విశ్వక్‌ సేన్‌ ఒరిజినల్‌ మాటలు వినిపించండి అనేసరికి  ఆయన నటించిన `ఫలక్‌నుమా దాస్‌` చిత్రంలోని ఊరమాస్‌ డైలాగ్స్ వినిపించారు. వెంటనే విశ్వక్ సేన్ కూడా రోషన్‌ నటించిన `బబుల్‌ గమ్‌` సినిమాలోని చివరి డైలాగ్‌ ఒకసారి వేయండి అనేసరికి అది కూడా బూతు డైలాగ్ కాబట్టి సుమ  మౌనంగా తలదించుకుంది.  ఆ తర్వాత సుమ "సమయం చాలా విలువైనది" అని అనగానే  "వెళ్లి యూజ్‌ చేసుకోనా" అంటూ విశ్వక్‌ మరో పంచ్‌ వేశాడు. "నీకు ఈత వచ్చా మరి" అని సుమ అడగ్గా.. "నాకు ఈతొచ్చు.. తొమ్మిది రకాలుగా కొడతా" అన్నాడు విశ్వక్‌. "తొమ్మిది రకాలా.. ఏ ఒక్క రకం కొడితే సరిపోతుంది కదా" అని అంది సుమా. "నా ఇష్టం ఉన్నట్టు కొడతా" అని చెప్పేసరికి  కమెడియన్‌ పమ్మి సాయి "గోదావరి ఈ చివరి నుంచి ఆ చివరికి ఈత కొట్టాడు" అని చెప్పాడు. "ఏంటి గోదావరిలో  ఈత కొట్టారా మీరు" అని సుమ అమాయకంగా అడిగింది. "నేను సముద్రం మధ్యలో కూడా బోట్‌ ఆపేసి సడెన్‌గా దూకేస్తా" అని చెప్పడంతో నోరెళ్లబెట్టింది సుమ. "మరి తర్వాత ఎవరు తీసుకొస్తారని అడగ్గానే  "నేనే వస్తా ఓ పది నిమిషాలు ఆగి" అని విశ్వక్‌ సేన్‌ చెప్పాడు.