శ్రీరామచంద్ర టాలీవుడ్ లో మంచి క్రేజ్ ఉన్న సింగర్. బిగ్ బాస్ సీజన్ 5 ద్వారా మరింత పేరు తెచ్చుకున్నాడు. సుమారు 15 ఏళ్ళ నుంచి సాంగ్స్ పాడుతూ ఉన్నా కూడా ఏమంత నేమ్, ఫేమ్ రాలేదు కానీ బిగ్ బాస్ ద్వారా బాగా లైంలైట్ లోకి వచ్చాడు. అలాంటి శ్రీరామచంద్ర ఇంకా పెళ్లి చేసుకోకుండా నచ్చిన అమ్మాయి కోసం వెయిట్ చేస్తున్నాడు. ఇప్పుడు శ్రీరామచంద్ర తన ఇన్స్టాగ్రామ్ ద్వారా "ఆస్క్ మీ ఆ క్వశ్చన్" టాస్క్ ఇచ్చాడు ఫాన్స్ కి.

ఇక నెటిజన్స్ అందరూ ఓ రేంజ్ లో ప్రశ్నలు అడిగారు. అందులో ఒక నెటిజన్ ఇంకొంచెం ముందుకెళ్లి "ఐ లవ్ యు...నన్ను పెళ్లి చేసుకుంటావా" అని అడిగేసరికి "ఒకే..ఫిబ్రవరి 30 న పెళ్లి చేసుకుందాం" అని కొంటెగా గ్రీన్ సిగ్నల్ ఇచ్చేసాడు. "టాటా ఫామిలీకి పాటలు పాడటం మీద మీ అభిప్రాయం" అని అడిగేసరికి " పిచ్చ ఎనర్జీ వచ్చేసింది అక్కడున్న క్రౌడ్ చూసి...ఆ ఊపులో డాన్స్ కూడా వచ్చేసింది" అని చెప్పాడు. "హిమేష్ సర్ మీద మీ సాంగ్ ని ఎప్పుడు రిలీజ్ చేస్తున్నారు" అనేసరికి "మరొక నెలలో రిలీజ్ చేస్తాను" అని చెప్పాడు. "అల్లు అర్జున్ ని కలిసారా" అనడంతో " ఇంకా లేదు కానీ ఆయన్ని కలవాలని ఉంది..ఆయన పనితనం నాకు చాలా నచ్చుతుంది...బద్రీనాథ్ లో ఒక సాంగ్ పాడాను" అని చెప్పాడు.

"తెలుగు ఇండియన్ ఐడల్ 2 లో మీరెందుకు లేరు" అని అడిగిన ప్రశ్నకు " ఈ జీవితంలో కొంతమందిని రీప్లేస్ చేయడం కష్టం.. ఇప్పుడున్నవాళ్లకు గుడ్ లక్" అని చెప్పాడు. ఇలా రామ్ తన ఫాన్స్ తో ఇంటరాక్ట్ అయ్యాడు. శ్రీరామచంద్ర సింగర్ మాత్రమే కాదు నటుడు కూడా.."జగద్గురు ఆదిశంకరాచార్య" మూవీలో రాజా అమర్కర పాత్రలో కనిపించాడు. "ప్రేమ గీమా జాన్తా నై"మూవీలో కూడా కనిపించాడు. ఇలా శ్రీరామచంద్ర మల్టీ టాలెంటెడ్ అని ప్రూవ్ చేసుకుంటున్నాడు.