స్టార్ మా టీవీలో ప్రసారమవుతున్న సీరియల్ 'గుప్పెడంత మనసు'. ఈ సీరియల్ మంగళవారం నాటి ఎపిసోడ్ -746లో.. రిషి, వసుధారలు మినిస్టర్ దగ్గరికి వెళ్తారు. కంగ్రాట్స్ మెడికల్ కాలేజీ ఎం.డి అని మినిస్టర్ అనగానే రిషి సంతోషంతో ఆశ్చర్యపోతాడు. మెడికల్ కాలేజీ పర్మిషన్ వచ్చిందంటూ పర్మిషన్ లెటర్ ని రిషి కి ఇస్తాడు మినిస్టర్. ఇదెలా సాధ్యమని రిషి అడుగుతాడు. ఇందులో మీ తల్లి, నీ భార్య వసుధార కృషి ఉందని మినిస్టర్ అంటాడు. నువ్వు ఏమైనా అనుకుంటే.. మీ ఫ్యామిలీ దానిని నిజం చెయ్యడానికి కష్టపడుతారు.. నువ్వు ఒక మంచి పనికోసం ఆ సౌజన్యరావుతో చేతులు కలపాలనుకున్నావ్ కానీ ఆ సౌజన్యరావు ఒక ఫ్రాడ్ అని తెలిసింది. మెడికల్ కాలేజీ ప్రారంభోత్సవానికి నన్ను పిలవండని మినిస్టర్ అనగానే.. సరే అని రిషి చెప్పేసి వెళ్ళిపోతాడు.

ఆ తర్వాత వసుధార, మహేంద్ర, జగతిలు ఒక దగ్గర నిల్చొని మాట్లాడుకుంటారు. రిషి మనపై కోపంగా ఉన్నాడు.. నువ్వు వెళ్ళి మాట్లాడమని మహేంద్రతో జగతి అనగానే.. అంతలోనే రిషి వచ్చి.. ఏంటి వసుధార నాతో చెప్పకుండా ఇదంతా ఎందుకు చేశారు? ఆ సౌజన్యరావు గురించి మీరు ముందే ఊహించారు కదా? ఆ సౌజన్యరావు మోసం గురించి నాకెందుకు చెప్పలేదు? నేను అతని చేతుల్లో మోసపోయేవాణ్ణి కాదు కదా.. ముందే చెప్పాలి కదా మీరందరు నన్ను లెక్క చెయ్యరు.. మెడికల్ కాలేజీ నా కల నువ్వు నెరవేర్చలేవు.. మేము నెరవేరుస్తామని నన్ను చేతకానివాడిలా అనుకుని ఇదంతా చేశారు కదా అని రిషి కోపంగా అనేసి అక్కడ నుండి వెళ్ళిపోతాడు. ఆ తర్వాత వసుధార బస్తీ విజిటింగ్ ఉందని వెళ్ళిపోతుంది.

ఆ తర్వాత వసుధార స్కూటీని ఓవర్ టేక్ చేసి ఒక టాక్సీ వేగంగా వెళ్తుంది. ఇంతలో ఒక అతనికి  యాక్సిడెంట్ చేస్తాడు టాక్సీ డ్రైవర్.. అయినా పట్టించుకోకుండా టాక్సీ వెళ్లేసరికి.. వసుధార చూసి టాక్సీని దాటేసి.. తన స్కూటీని ఆ ట్యాక్సీకి అడ్డంగా పెట్టి.. డ్రైవర్ ని తిడుతుంది. వెంటనే అతన్ని హాస్పిటల్ కి తీసుకెళ్ళండని వసుధార అనగానే.. టాక్సీ లోపల ఉన్న ఒక అజ్ఞాతవ్యక్తి.. అందులో నుండి దిగుతాడు. ఆ వ్యక్తితో వసుధారకి గొడవ జరుగుతుంది. వెంటనే కార్ లోని ఆ అజ్ఞాతవ్యక్తి వసుధార మాటలు పట్టించుకోకుండా.. వేరే క్యాబ్ బుక్ చేసుకొని వెళ్ళిపోతాడు. టాక్సీ డ్రైవర్ అతన్ని హాస్పిటల్ కి తీసుకెళ్తాడు.మరొకవైపు మెడికల్ కాలేజీ పర్మిషన్ ఇదంతా ఎలా చేశారు అంటూ జగతిని అడుగుతాడు‌ మహేంద్ర. ఇక జగతి జరిగిందంతా చెప్తుంది. సీక్రెట్ గా రిషితో సంతకం పెట్టించామని తెలిస్తే మన పుత్రరత్నం ఏం చేస్తాడో అని జగతి అంటుంది. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.