ఈటీవీలో ప్రసారమవుతున్న షోలలో సుమ అడ్డా ఒకటి.  సుమ యాంకరింగ్ చేస్తున్న ఈ షో ఫాలోయింగ్ గురించి ప్రత్యేకంగా చెప్పనక్కర్లేదు. సుమ తనదైన యాంకరింగ్, పంచ్ లతో షోని ప్రేక్షకులకు చేరువ చేసింది. షోలో ఆమె పుంచ్ ల దాటికి ఎవరూ నిలబడలేరు. మంచి కామెడీ టైమింగ్ తో, తన స్పాంటేనియస్‌ పంచ్ లతో స్టార్ నటీనటులకి సైతం చెమటలు పట్టించేస్తుంది సుమ. ఈ షోకి కొందరు సెలబ్రిటీలను తీసుకొచ్చి.. వారితో సరదగా గేమ్స్ ఆడిస్తూ కామెడీగా వారిని ఆటపట్టిస్తూ అలరిస్తోంది.

అయితే ఈ వారం సుమ అడ్డాలో స్పెషల్ గెస్ట్ లుగా హిమజ-ప్రభాస్ శ్రీను ఒక టీంగా, పృథ్వీరాజ్-జ్యోతిలు ఒక టీంగా వచ్చారు. "నేను మా ఆవిడ" అని హిమజని చూపిస్తూ ప్రభాస్ శీను అంటుండగా... ఏం అన్నారంటూ హిమజ దూరం వెళ్తుంది. దాంతో అందరూ ఒక్కసారిగా నవ్వుతారు. ఆ తర్వాత జ్యోతిని నువ్వేం కోరుకుంటావని సుమ అడుగగా.. అందరూ బాగుండాలి.. అందులో నేనుండాలని కోరుకుంటా అని జ్యోతి చెప్తుంది. మరి మీరేం కోరుకుంటారని పృథ్వీరాజ్ ని అడుగగా.. అందరూ బాగుండాలి.. బ్యాంకాక్ లో నేనుండాలి అంటూ పృథ్వీరాజ్ చెప్తాడు. దాంతో అందరూ నవ్వేస్తారు. ఆ తర్వాత పృథ్వీరాజ్ పక్కనే ఉన్న జ్యోతి చేయి తీసుకొని చూస్తుండగా అది చూసిన సుమ.. ఇక్కడ నేనేమో రూల్స్ చెప్తున్నాను.. ఆయనేమో అక్కడ తనకి చిలక జ్యోష్యం చెప్తున్నాడని అనగానే షో అంతా నవ్వేస్తారు.

ఒక నటుడి చిన్నప్పటి ఫోటోని, ఆ ఫోటో పక్కనే సగం కనిపించేలా నాగార్జున ఫోటోని చూపించి.. అది ఎవరని సుమ గెస్ చేయమని చెప్పగా.. అది నాగార్జున ఫోటో అని పృథ్వీరాజ్ చెప్తాడు. కాదని సుమ అనగా.. అలా ఎలా అంటారు.‌ ఒక పక్క నాగార్జున ఫోటో క్లియర్ గా తెలుస్తుంది కదా అని పృథ్వీరాజ్ అంటాడు. అది కాదండి మా వాళ్ళు ఒక్కో ఫోటోని ఒక్కోలా డిజైన్ చేస్తారని సుమ అనగానే.. ఇది అంతా తప్పు ఈ షో లో నేనుండలేనని చెప్పి పృథ్వీరాజ్ షో మధ్యలో నుండి వెళ్ళిపోతాడు. అయితే ఇదంతా షో మీద ఆసక్తి కలిగించడానికి చేసినదా? లేక నిజంగానే పృథ్వీరాజ్ ఈ షో నుండి వెళ్ళిపోయాడా? తెలియాలంటే పూర్తి ఎపిసోడ్ వచ్చేవరకు ఆగాల్సిందే.