జబర్దస్త్ ఫేమ్ ముక్కు అవినాష్ ప్రస్తుతం బుల్లితెరపై కనిపించే షోస్ లో తన కామెడీ టైమింగ్ తో మంచి ఫామ్ లో ఉన్నాడు‌. మొదట మిమిక్రీ కళాకారునిగా గుర్తింపు తెచ్చుకున్న అవినాష్.‌. జబర్దస్త్ స్టేజ్ మీద తన ముక్కుతో చేసిన ఒక స్కిట్ బాగా హిట్ అయింది. అప్పట్లో ముక్కుతో చేసిన ఆ స్కిట్ కి అత్యధిక వ్యూస్ వచ్చాయి. దాంతో ముక్కు అవినాష్ ట్రెండింగ్ లోకి వచ్చాడు.

ముక్కు అవినాష్, కెవ్వు కార్తిక్ కలిసి జబర్దస్త్ స్టేజ్ మీద ఎన్నో సక్సెస్ ఫుల్ స్కిట్స్ చేసి కామెడీని పండించారు. ఆ తర్వాత సినిమాలలో కూడా అవకాశాలు రావడంతో ఇద్దరు బిజీ అయ్యారు. అయితే ముక్కు అవినాష్, అనూజ అనే అమ్మాయిని పెళ్ళి చేసుకున్న విషయం అందరికి తెలిసిందే. రెగ్యులర్ గా తన యూట్యూబ్ ఛానెల్ లో వ్లాగ్స్ చేస్తూ అప్లోడ్ చేసే అవినాష్.. తన ప్రతీ అప్డేట్ ను తన ఫ్యాన్స్ కి తెలిసేలా చేస్తున్నాడు. 'మా కొత్త ఇల్లు', 'అమెరికాలో మా అల్లరి', 'ఈసారి భోనాలకి అనూజ రాలేదు ఎందుకంటే', 'ఇద్దరు ముగ్గురు అయ్యేవేళ' అనే వ్లాగ్స్ ని తన యూట్యూబ్ ఛానెల్ లో అప్లోడ్ చేయగా అత్యధిక వీక్షకాధరణ పొందాయి. గత వారం క్రితం వాళ్ళ అమ్మ హాస్పిటల్ లో ఉందని వ్లాగ్ చేయగా చాలామంది స్పందించారు.

కాగా ముక్కు అవినాష్ తాజాగా 'మా కొత్త కార్  ' అనే వ్లాగ్ ని తన యూట్యూబ్ చానెల్ లో అప్లోడ్ చేశాడు. ఆ వ్లాగ్ లో అవినాష్ మాట్లాడుతూ..  మా పాత కార్ కి యాక్సిడెంట్ అయింది. సొంత ఊరికి మార్నింగ్ వెళ్తున్నప్పుడు కార్ ఒక రాయికి తగిలి బోర్లాపడింది. దేవుడి దయవల్ల మాకు పెద్దగా గాయాలేం కాలేదు. చాలా లక్కీ ఆ కార్ మాకు‌. సరే ఎలాగు డ్యామేజ్ అయుంది కదా అని కొత్త కార్ "మహేంద్ర XUV700" తీసుకున్నాం. పూజ చేయడానికి వచ్చాం. కార్ ని గుంటూర్ లో బుక్ చేశాం. వారం రోజుల్లో వచ్చింది. అక్కడి మహేంద్ర బ్రాంచ్ వాళ్ళకు థాంక్స్ అంటూ ముక్కు అవినాష్ చెప్పుకొచ్చాడు.