స్టార్ మా టీవీలో ప్రసారమవుతున్న సీరియల్ 'కృష్ణ ముకుంద మురారి'. ఈ సీరియల్ మంగళవారం నాటి ఎపిసోడ్ -446 లో.. ముకుంద వాళ్ళ‌ నాన్న దగ్గరికి వెళ్తుంది. ఇంటికి వచ్చి.. తల పట్టుకుంటుంది. నాన్న ఎంత పని చేశారు. ముకుంద పేరుతో ఉన్న అకౌంట్‌లో ఇల్లు అమ్మిన డబ్బు వేశారు. ఇప్పుడు బ్యాంక్‌కి వెళ్లకుండా ఎలా తీసుకోవాలని ముకుంద ఆలోచిస్తుంటుంది. అవును కదా.. నా ల్యాప్ టాప్ దొరికితే చాలు.. కానీ అది ఎక్కడుంది? ఎలా తీసుకోవాలి.? ఆదర్శ్ దగ్గర ఉండి ఉంటుంది కదా? అబ్బా.. ఆదర్శ్ దగ్గరకు వెళ్లాలంటే చాలా కంపరంగా ఉంటుంది. రూపం మారినా ఈ ఆదర్శ్ తలనొప్పి నాకు తీరడం లేదని తల పట్టుకుంటుంది.

ముకుంద అలా అనుకుంటూ ఉండగానే ఆదర్శ్ వస్తాడు. ముకుందా.. జాగింగ్‌కి వెళ్దామా అని అంటాడు. అబ్బా నాకు కాస్త బాలేదు.. మీరు వెళ్లండి అంటు ముకుంద తప్పించుకుంటుంది. నాకు ఈ ఇంట్లో ఎవ్వరూ లేరు అనిపిస్తుంది. మీరే నాకు కనెక్ట్ అయ్యారు. మీకు కూడా ఎవరూ లేరు కదా.. అందుకే మనం కనెక్ట్ అవుతున్నామని అదర్శ్ అంటాడు. ఇది మంచి అవకాశం అనుకుంటూ.. అవును ముకుంద ల్యాప్ టాప్ ఎక్కడుందో ఐడియా ఉందా? దానిలో మా మెమొరీస్ చాలా ఉన్నాయి. అంటుంది తెలివిగా మీరా. దాంతో ఆదర్శ్.. అయ్యో ముకుందా.. ఆ ల్యాప్ టాప్ మొన్నటి దాకా నా దగ్గరే ఉండాలి. కానీ కృష్ణ మొన్న పూజలో పెట్టడానికి తీసుకుంది. తర్వాత ఎక్కడ పెట్టిందో తెలియదు.. కృష్ణను అడిగి తీసుకురానా‌ అని అదర్శ్ అంటాడు. వద్దు. నేను అడుగుతాను.. మీరు వెళ్లండి కాసేపు రెస్ట్ తీసుకుంటానని ముకుంద అంటుంది. కాసేపటికి కృష్ణ బయటకు వెళ్లడం చూసి ముకుంద వారి గదిలోకి వెళ్తుంది. అప్పటికే మురారీ స్నానం చేస్తుంటాడు. అయితే ముకుంద ల్యాప్ టాప్ వెతికే క్రమంలో చిన్న బొమ్మ కింద పడి శబ్దం వస్తుంది. అది విన్న మురారీ.. కృష్ణా కృష్ణా అని అంటాడు. వెంటనే ముకుంద.. కింద పడినదాన్ని తీసి పైన పెట్టేసి మెళ్లగా వెళ్లిపోవాలనుకుంటుంది. కానీ మురారీ.. ఓయ్ కృష్ణా.. ఆ టవల్ ఇవ్వవా ప్లీజ్.. మరిచిపోయాను.. ప్లీజ్ అంటూ అరుస్తుంటాడు. దాంతో టవల్ అందుకుని మురారీ చేతికి ముకుంద అందివ్వబోతే.. కృష్ణ అనుకున్న మురారీ.. ముకుంద చేతిని పట్టేసుకుని లోపలికి లాగడానికి ట్రై చేస్తాడు. ముకుంద అల్లాడిపోతుంది. ఆ చేయి పట్టుకున్నందుకు మురిసిపోతుంది. లోపలికి వెళ్లకుండా బలవంతంగా ఆపుకుంటుంది. శోభనం అయ్యాక సిగ్గేంటి లోపలికి రా అంటూ‌ మురారి లాగుతూనే ఉంటాడు. కాసేపటికి జాగ్రత్తగా తన చేతిని వదిలించుకుని ముకుంద తన గదిలోకి వెళ్తుంది.

ఇక మురారీ స్నానం చేసి బయటికి వస్తాడు. అప్పుడే గదిలోకి వచ్చిన కృష్ణతో.. ఎందుకు రాలేదు స్నానం గదిలోకి రమ్మంటే అని వాదిస్తాడు‌. నేను ఎక్కడ వచ్చాను. మీరు ఎక్కువ ఆలోచిస్తున్నారు.. వెళ్లి రెడీ అవ్వండి అని తిట్టేస్తుంది కృష్ణ. దాంతో మురారీ అదే తలపట్టుకుని ఆలోచిస్తాడు. కృష్ణ తిట్టడంతో కూల్ అవుతాడు కానీ.. మరి పొద్దున్నే వచ్చింది ఎవరు? ఇందాక బాత్ రూమ్ దగ్గరకు వచ్చి టవల్ ఇచ్చింది ఎవరని ఆలోచిస్తూనే ఉంటాడు. మరోవైపు నెమ్మదిగా ఆదర్శ్ గదిలోకి మీరా వెళ్లి.. ఆదర్శ్ లేకపోవడంతో గది మొత్తం వెతికి ల్యాప్ టాప్ దొంగిలిస్తుంది. హమ్మయ్యా.. నాన్న వేసిన డబ్బులు ఇప్పుడు తీసుకోవడం చాలా ఈజీ అని అనుకుంటుంది. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.