స్టార్ మా టీవీలో ప్రసారమవుతున్న సీరియల్ 'గుప్పెడంత మనసు'. ఈ సీరియల్ గురువారం నాటి ఎపిసోడ్ -718 లో.. రిషి, వసుధార కలిసి భోజనం చేస్తుంటారు. "సర్.. వంటలు బాగా చేసావ్.. ఎప్పుడు నువ్వే చేయ్ వసుధార అనొచ్చు కదా" అని వసుధార అంటుంది. ఇప్పుడు బాగా చేసావ్ వసుధార అని పొగడాలా.. చేసిన వంటలు తినాలంతే అని రిషి అంటాడు.

ఆ తర్వాత రిషి కాలేజీలో మీటింగ్ ఏర్పాటు చేస్తాడు. కాలేజీకి స్పాట్ వాల్యుయేషన్ వచ్చిందని ఇతర ఫాకల్టీతో మీటింగ్ లో చెప్తాడు. అందరూ క్లాప్స్ తో అభినందనలు తెలుపుతారు. "ఎలాంటి తప్పులు లేకుండా అందరం కలిసి పనిచేద్దాం. దీనికి సంబంధించినవన్ని జగతి మేడం చూసుకుంటారు" అని రిషి చెప్తాడు. ఆ తర్వాత అందరు ఇంటికి వెళ్తారు. అలా జగతి, మహేంద్ర ఇంటికెళ్ళగానే.. రిషి ఎక్కడున్నాడు? వసుధారతో కలిసి ఎక్కడ షికారులు చేసి వస్తున్నాడు? అని జగతిని దేవయాని అడుగుతుంది. మాకేం తెలియదు అక్కయ్య, భార్యభర్తల మధ్యలో కలుగజేసుకునే సంస్కారం కొందరిలాగా మాకు లేదని జగతి చెప్పేసి వెళ్ళిపోతుంది. మరోవైపు కాలేజీ అయిపోయిన తర్వాత కూడా వర్క్ చేస్తున్న వసుధార దగ్గరికి రిషి వస్తాడు. "ఏంటి కాలేజీ ముగిసాక కూడా వర్క్ చేస్తున్నావా? అందరం ఈ వర్క్ లోనే ఉన్నాం కదా. ఇప్పుడు ఈ వర్క్ చేయడం అవసరమా? వెళ్దాం పదా" అని వసుధారని రిషి అంటాడు. సరే అని అన్నీ సర్దుకుని రిషి కంటే ముందే వెళ్తుంది. రిషి కోపంగా చూసేసరికి ఆగి.. తన వెనకాలే నడుచుకుంటూ వెళ్తుంది వసుధార.

ఆ తర్వాత ఇంట్లో అందరు భోజనం చేస్తూ కాలేజీ విషయాలు మాట్లాడుకుంటారు. ఈ స్పాట్ వాల్యుయేషన్ ఏమో గాని.. రిషి పైన ఎక్కువ భారం ఉంటుందని దేవయాని అనగా.. అదేం లేదు మేడం మేము అందరం వర్క్ షేర్ చేసుకుంటున్నామని వసుధార అంటుంది. ఆ తర్వాత కాలేజీ వర్క్ చేస్తున్న వసుధారని చూసి, ఈ టైం వరకు పడుకోకుండా వర్క్ చేస్తున్నావా అంటాడు రిషి. వసుధారకి కాఫీ కలుపుకొని తీసుకొని వస్తాడు. ఇద్దరు కాసేపు సరదాగా మాట్లాడుకుంటారు. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.