జబర్దస్త్ లేడీ కమెడియన్ వర్ష గురించి ప్రత్యేకంగా చెప్పాల్సిన అవసరం లేదు. ఆమె ఎన్నో షోస్, ఈవెంట్స్ తో పాటు సోషల్ మీడియాలో ఫుల్ యాక్టివ్ గా ఉంటుంది. ఇక వర్ష తన యూట్యూబ్ ఛానల్ లో ఎన్నో వీడియోస్ పోస్ట్ చేస్తుంది. అందులో వాళ్ళ వాచ్ మ్యాన్ వాళ్ళ బాబు తో కూడా ఒక వీడియో చేసి పెట్టింది. ఐతే ఆ పిల్లాడిని తానె చదివిస్తున్నానని కూడా చెప్పింది. ఎందుకంటే ఇలాంటి ఒక మంచి పని మన నుంచి మొదలైతే అది మిగతా వాళ్ళు కూడా ఫాలో అయ్యే అవకాశం ఉంది అనేది తన ఆలోచన అని చెప్పింది. అలాగే వాచ్ మ్యాన్ వాళ్ళ బాబుతో చేసిన వీడియో మీద మంచి రెస్పాన్స్ కూడా వచ్చింది అంది. ఉన్నదాంట్లో ఎంతో కొంత ఆ పిల్లాడి కోసం తీసి పక్కన పెడతానని చెప్పింది వర్షా. ఎడ్యుకేషన్ అనేది ఒకరి జీవితానికి సంబంధించిన విషయం కాబట్టి ఆ విషయంలో హెల్ప్ చేయడం మంచిది అంది.

రీసెంట్ గా మంచి లక్ష్మి 60 స్కూల్స్ ని అడాప్ట్ చేసుకున్న విషయం తెలిసి ఎంత హ్యాపీగా ఫీల్ అయ్యానో చెప్పలేనంది...ఏది ఇచ్చిన వెనక్కి తీసుకోవచ్చు కానీ ఇచ్చిన చదువును వెనక్కి తీసుకోలేము కదా అంది వర్షా. అలాగే జబర్దస్త్ లో బెగ్గర్ రోల్ తనకు చాల మంచి పేరు తెచ్చిపెట్టిందని చెప్పుకొచ్చింది. మల్లెమాల ఈ రోల్ ఇచ్చి మంచి గిఫ్ట్ ఇచ్చారు అంది. మూవీస్ లో కొన్ని మంచి రోల్స్ వచ్చాయి కానీ జబర్దస్త్ డేట్స్ ముందే వచ్చేస్తాయి దాని కారణంగా సిల్వర్ స్క్రీన్ డేట్స్ కి ఈ డేట్స్ అస్సలు కుదరదు అందుకే జబర్దస్త్ ని కొన్నాళ్ళు చేసాక ఇక్కడ బ్రేక్ ఇచ్చి సిల్వర్ స్క్రీన్ మీద వెళ్తాను అంటూ ఒక ఇంటర్వ్యూలో ఎన్నో విషయాలను షేర్ చేసుకుంది  వర్ష.