టాలీవుడ్ లో నేచురల్ స్టార్ గా తనకంటూ ప్రత్యేకమైన గుర్తింపు సంపాదించుకున్న హీరో నాని.. ఎలాంటి బ్యాక్ గ్రౌండ్ లేకుండా సోలోగా పైకొచ్చాడు. అలాంటి నాని తన సినిమా ఛాన్స్ కొట్టేశాడని అంటున్నారు 'కార్తీక దీపం' సీరియల్ ఫేమ్ నిరుపమ్. నిజానికి నాని దర్శకుడు కావాలనే ఆశతో ఇండస్ట్రీకి వచ్చాడు. కొన్ని సినిమాలకు అసిస్టెంట్ డైరెక్టర్ గా కూడా పని చేశారు. ఈ క్రమంలో ఎన్నో కథలను కూడా రాసుకున్నాడు.

కానీ ఊహించని విధంగా అతడికి 'అష్టా చమ్మా' సినిమాలో హీరోగా ఛాన్స్ రావడంతో మొదటి సినిమాతోనే సక్సెస్ అందుకొని అందరినీ ఆకట్టుకున్నాడు. ఈ సినిమా రిజల్ట్ తో నానికి వరుస అవకాశాలు వచ్చాయి. 'ఈగ', 'పిల్ల జమీందార్' లాంటి సినిమాల తరువాత ఇక వెనక్కి తిరిగి చూసుకోవాల్సిన అవసరం రాలేదు. అయితే హీరోగా నానికి మొదటి ఛాన్స్ రావడానికి పరోక్షంగా నటుడు నిరుపమ్ కారణమయ్యాడని తెలుస్తోంది.

నిజానికి 'అష్టా చమ్మా' సినిమాలో హీరో ఛాన్స్ ముందుగా తన దగ్గరకు వచ్చిందని నిరుపమ్ చెప్పాడు. మొద‌ట ఆడిష‌న్స్‌ను ర‌మ్మ‌ని చెప్పి, త‌ర్వాత రోజు బ‌య‌లుదేర‌బోతుంటే రావ‌ద్ద‌ని చెప్పార‌ని ఆలీతో స‌ర‌దాగా షోలో వెల్ల‌డించాడు. అప్పుడే ఓ సీరియల్ సైన్ చేయడంతో 'అష్టా చమ్మా' మేకర్లు తనకు ఛాన్స్ ఇవ్వలేదని.. సీరియల్స్ తో బిజీగా ఉన్నావ్ గా.. సినిమా ఆడిషన్స్ వద్దులే అంటూ తనను లైట్ తీసుకున్నార‌ని నిరుపమ్ చెప్పుకొచ్చాడు. మొదట ఇంట్రెస్ట్ చూపించిన డైరెక్ట‌ర్ మోహ‌న‌కృష్ణ తరువాత తాను సీరియ‌ల్ యాక్ట‌ర్‌న‌నే ఉద్దేశంతో ప‌క్క‌న పెట్టిన‌ట్లున్నార‌ని బాధ‌ప‌డ్డాడు.