ఒక వైపు బుల్లితెర మీద, మరో వైపు వెండితెర మీద హిమజ వచ్చిన అవకాశాలను వినియోగించుకుంటూ ముందుకు దూసుకుపోతోంది. బిగ్ బాస్ సీజన్ 3 లో పార్టిసిపేట్ చేసి మిగతా కంటెస్టెంట్స్ కి టఫ్ ఫైట్ ఇచ్చింది. సోషల్ మీడియాలో ఆమె చేసే అల్లరి అంతా ఇంతా కాదు. రకరకాల వీడియోస్ పోస్ట్ చేసి తన లేటెస్ట్ అప్ డేట్స్ ని ఎప్పుడూ తన ఫ్యాన్స్ కి చెప్తూ ఉంటుంది. ఇప్పుడు కూడా అలాంటి ఒక గుడ్ న్యూస్ చెప్పింది హిమజ. సెలబ్రిటీస్ ఎవరైనా సరే కష్టపడి ఇల్లు, కారు, మొబైల్ ఇలా ఏవి కొనుకున్న వాటిని తన ఫ్యాన్స్ తో షేర్ చేసుకుంటూ ఉంటారు.

ఇప్పుడు అలాగే హిమజ తన సొంత ఇంటి కలను నిజం చేసుకుని ఆ విషయాన్నీ ఫ్యాన్స్ తో షేర్ చేసుకుంది. పట్టు బట్టల్లో అందంగా ముస్తాబయ్యి దేవుడి పటం పట్టుకుని నవ్వులు చిందిస్తూ గృహప్రవేశం చేసి తన ఆనందాన్ని సోషల్ మీడియాలో పంచుకుంది. "కొత్త ఇల్లు అనేది జ్ఞాపకాలను అందిస్తుంది కలలు సాకారం చేసుకోవడానికి ఒక చక్కని ప్రాంతం కూడా. ఈ మైల్ స్టోన్ దాటినందుకు నాకు నేను అభినందనలు చెప్పుకుంటున్నాను" అంటూ  ఒక పిక్ ని తన ఇన్స్టాగ్రామ్ పేజీలో పోస్ట్ చేసింది. తాను కన్న కల నెరవేరేసరికి ఆరియానా గ్లోరీ, సిరి హన్మంత్, సన, అషూ రెడ్డి కంగ్రాట్యులేషన్స్.. గాడ్ బ్లెస్ యు అంటూ మెసేజెస్ చేశారు. నెటిజన్స్ కూడా హిమజకు విషెస్ చెప్పారు. "ఫైనల్లీ సాధించావ్.. సొంత ఇంటి కల అనేది ఎక్కువ అబ్బాయిలకు ఉంటుంది. కానీ నువ్వు దాన్ని సాధించి చూపించావ్..నెక్స్ట్ లెవెల్ అంతే..మీరు ఇలాగే ఎదగాలి అని అనుకుంటున్నా...మీ అఛీవ్మెంట్స్ చూసి సంతోషంగా ఉంది" అంటూ చెప్పారు.

ఇక ఈ ఏడాది సంక్రాంతి సమయంలో  హిమజ ఒక కార్ కూడా కొనుక్కుంది. 40 నుంచి 50 ల‌క్ష‌లు ఖ‌రీదు చేసే కియా కార్నివాల్‌ కారును కొనుక్కుంది. ఆ విషయాన్ని కూడా సోషల్ మీడియాలో పోస్ట్ చేసింది.  సీరియల్ నటిగా మొదలైన హిమజ కెరీర్ పర్లేదు అనిపించేలా సాగుతోంది. మూవీస్ లో  సపోర్టింగ్ రోల్స్ ఎన్నో చేశారు.  నేను శైలజ, జనతా గ్యారేజ్, స్పైడర్, శతమానం భవతి, వినయ విధేయ రామ వంటి మూవీస్  ఆమెకు మంచి పేరు తెచ్చిపెట్టాయి. ఐతే ఈమధ్య స్మాల్ స్క్రీన్ మీద కూడా కనిపించడం లేదు.