చెఫ్ మంత్ర సీజన్ 3 ఈ వారం ఆహాలో స్ట్రీమ్ అవుతోంది. ఈ ఎపిసోడ్ కి ఈ వారం సుందరం మాష్టర్ మూవీ టీమ్ నుంచి దివ్య శ్రీపాద, వైవా హర్ష ఇద్దరూ వచ్చారు. ఇక ఈ మూవీకి సంబంధించి హోస్ట్ నిహారిక వాళ్ళను కొన్ని క్వశ్చన్స్ కూడా వేసింది. "ఇప్పటి వరకు సపోర్టింగ్ రోల్స్ చేసావ్ కదా మరి సుందరం మాష్టర్  మూవీ ఆఫర్ ఎలా వచ్చింది.. ఆ ఆఫర్ ని నువ్వెలా ఓకే చేసావ్ అని అడిగింది. "నేను ప్రత్యేకంగా ఈ మూవీ కోసం ఎలాంటి ప్రయత్నాలు చేయలేదు.

అలా అని ఎవరినీ కూడా కలవలేదు. నేనేం అనుకుంటాను అంటే చిన్నదైనా, పెద్దదైనా కానీ ఒక రోల్ వస్తే దాన్ని అద్భుతంగా ఎలా పెర్ఫార్మ్ చేయాలా అని ఆలోచిస్తాను. ఐతే నేను మంత్ ఆఫ్ మధు మూవీ చేస్తూ ఉండగా.. ఆ మూవీ డైరెక్షన్ డిపార్ట్మెంట్ లో  కళ్యాణ్ సంతోష్ అనే ఒకాయన పని చేశారు. ఒకరోజు  ఆయన నాతో మాట్లాడాడు. హీరో కింద మీరే నటించే ఒక స్క్రిప్ట్ రాసాను అని చెప్పాడు. ఆ సినిమా నేనే చేయాలి అని అడిగాడు. ఐతే ముందు స్క్రిప్ట్ వినాలి కదా. విన్నాక నో చెప్పేద్దామని కూర్చుని విన్నా. ఎందుకంటే నా స్పేస్ లో నేను కంఫర్ట్ గా ఉన్నా. నా రోల్స్ నాకు వస్తున్నాయి. మళ్ళీ ఈ ఎక్స్పెరిమెంట్ ఎందుకు అనుకున్నా. అందుకే స్టోరీ విన్నాక నో చెప్పేద్దామని అనుకున్నా. ఆ స్టోరీ విన్నాక వెంటనే కళ్యాణ్ సంతోష్ కాళ్ళు పట్టేసుకుని ఈ స్టోరీ ఇంక ఎవరికీ చెప్పకు అని ఆ సినిమాను నేనే చేస్తాను అని ఓకే చేసేసా." అని చెప్పాడు హర్ష. "నువ్వెలా ఈ స్టోరీని ఎలా ఒప్పుకున్నావ్.. అసలే నీకు అన్నీ కూడా పద్దతిగా ఉండే రోల్స్ ఇస్తున్నారు అని ఎప్పుడూ అనిపించలేదా " అని దివ్య శ్రీపాదని అడిగింది. "స్టోరీలో నిజాయితీ ఉంది. చాలా బాగుంటుంది అని అనిపించింది. ఐతే నాకు నేను కొన్ని రూల్స్ పెట్టుకుంటా.. లీగల్ ఇల్లీగల్ అనే వాటిల్లో లీగల్ పనులే చేస్తుంటాను. మిగతా వాటి జోలికి అస్సలు పోను. అంటే రూల్స్ రామానుజం టైప్ నేను. ఐతే ఇప్పుడు అనిపిస్తోంది. లైఫ్ లో ఇంత పద్దతిగా ఉంటాను రోల్స్ కూడా అవే వస్తున్నాయి. కాబట్టి ఏదైనా డిఫరెంట్ చేయాలని ఉంది అని చెప్పింది." దివ్య శ్రీపాద. ఇక నీహారిక వెంటనే ఎవరైనా క్రియేటివ్ డైరెక్టర్స్ ఉంటే గనక వెంటనే దివ్యకి మంచి నాటీ రోల్స్ ఇవ్వండి అంటూ ఒక అనౌన్స్మెంట్ చేసింది.