ప్రస్తుతం సోషల్ మీడియాలో మై విలేజ్ షో అనిల్ జీల అండ్ టీమ్ హవా నడుస్తుంది. యూట్యూబర్ గా అనిల్ జీల మంచి గుర్తింపు తెచ్చుకున్నాడు. తెలంగాణాలోని ఒక మారుమూల గ్రామంలో ఉన్న గంగవ్వని పాపులర్ చేసాడు అనిల్ జీల. మై విలేజ్ షో ద్వారా కొత్త టాలెంట్ ని ఎంకరేజ్ చేస్తూ కొంతమందితో కలిసి చిన్న చిన్న వీడియోలు చేస్తూ గుర్తింపు తెచ్చుకోవడంతో పాటు పాపులర్ అయ్యాడు. అనిల్ జీల క్రియేట్ చేసిన  'మై విలేజ్ షో' యూట్యూబ్ ఛానెల్ ద్వారా గంగవ్వకి బిగ్ బాస్ షోలో అవకాశం లభించింది. షోలోకి వెళ్ళాక నాగార్జున సైతం తనకి ప్రోత్సాహం అందించాడు.

యూట్యూబ్ వీడియోల నుండి అనిల్ కెరీర్ మొదలు పెట్టి.. ప్రస్తుతం వెబ్ సిరీస్ లతో బిజీగా గడుపుతున్నాడు. అనిల్ జీల ఎప్పటికప్పుడు విభిన్నంగా ఆలోచిస్తూ సోషల్ మీడియాలో ట్రెండ్ సెట్ చేస్తున్నాడు. లాక్ డౌన్ లో అనిల్ పెళ్లి చేసుకుని పెళ్లి పత్రిక డిఫరెంట్ గా చేయించాడు. అప్పట్లో అది కాస్త వైరల్ గా మారింది. రీసెంట్ గా హలో వరల్డ్ అనే వెబ్ సిరీస్ లో నటించి తన కామెడీతో అందరిని మెప్పించాడు. ట్రెండింగ్ లో ఉన్న కంటెంట్ తీసుకొని వీడియోలు చేయడం అనిల్ స్టైల్ అనే చెప్పాలి.

"పెద్ద తోవకి సిద్ధం.. కథ, మాటలు, కథనం: అనిల్ జీల" అంటూ తన ఇన్ స్టాగ్రామ్ లో ఒక పోస్ట్ చేశాడు మై విలేజ్ షో అనిల్ జీల.  ఇందులో త్వరలో తను ఒక సినిమాకి కథని రాస్తున్నట్టుగా చెప్పాడు. ఈ ప్రపంచం మీరు ఎప్పుడు చూస్తారో ఇప్పటికి అయితే నేను చెప్పలేను. నాకు తెలిసిన ఫ్రెండ్స్ విన్నారు.. నరేషన్ లోనే వాళ్లు చాలా బాగా ఎంజాయ్ చేశారు. ' నేను రాస్తున్నప్పుడు నవ్వాను, ఏడ్చాను, ఎంజయ్ చేశాను. త్వరలోనే ఒక మంచి న్యూస్ తో మీ ముందుకు వస్తాను‌. ఇప్పుడే పిచింగ్ స్టార్ట్ చేశా.. చూద్దాం ఇక' అంటూ అనిల్ జీల ఈ పోస్ట్ గురించి రాసుకొచ్చాడు. మీ అందరి బ్లెస్సింగ్స్ కావాలంటూ చేసిన ఈ పోస్ట్ కి కామెంట్ల వర్షం కురుస్తుంది. కాగా ఈ పోస్ట్ ఇప్పుడు ఇన్ స్టాగ్రామ్ లో వైరల్ గా మారింది‌.