English | Telugu
బ్లేడ్తో చేతులు కోసుకున్న బ్రహ్మాజీ!
Updated : Apr 28, 2023
వెన్నెల కిషోర్ ఆధ్వర్యంలో ప్రతీ వారం నవ్వుల్ని పంచుతున్న షో "అలా మొదలయ్యింది"..ఈ షోకి ఇప్పటి వరకు ఎంతో మంది సెలెబ్స్ వచ్చి ఎంటర్టైన్ చేస్తూ ఉంటారు. ఇక నెక్స్ట్ వీక్ ఎపిసోడ్ కి కమెడియన్ అండ్ క్యారెక్టర్ ఆర్టిస్ట్ బ్రహ్మాజీ అతని భార్య శాశ్వతి వచ్చారు. కిషోర్ వీళ్ళను ఎన్నో విషయాలు అడిగి తెలుసుకున్నాడు. తానూ తాను భార్యకు ఎలా లవ్ ప్రొపోజ్ చేసాడో చెప్పాడు. "ఇటు పక్క మూన్ లైట్, అటు పక్క సన్ రైజ్ ఆ టైంలో హైస్పీడ్ వాక్ తో అలా నడుచుకుంటూ వెళ్లి ఐ లవ్ యు చెప్పేసాను. అలాగే తన బర్త్ డేకి నా చైన్ తాకట్టు పెట్టాను." అని చెప్పారు బ్రహ్మాజీ.
తమ ప్రేమ పెళ్లికి డైరెక్టర్ కృష్ణవంశీ కారణం అని ..ఆయనే కన్యాదానం చేసినట్లు బ్రహ్మాజీ - శాశ్వతి చెప్పారు. " మీరు ఫోన్ లో మాట్లాడుకున్న సమయం ఎంత" అని కిషోర్ అడిగేసరికి " ప్రేమలో ఉన్నప్పుడు పబ్లిక్ బూత్ల దగ్గరే సమయమంతా గడిపే వాడినని" బ్రహ్మాజీ చెప్పారు. "మీకో సీక్రెట్ చెప్తానంటూ శాశ్వతి బ్రహ్మాజీ చెయ్యి తీసుకుని చూపించింది. ఆ చెయ్యి మీద ఒక బ్లేడ్ తీసుకుని చాలా పొడవుగా కట్ చేసేసుకున్నాడు..నేనే అతన్ని హాస్పిటల్ కి తీసుకెళ్లాల్సి వచ్చింది " అని చెప్పి చూపించింది. "నాయనా నువ్వు ఇంత వయొలెంట్ ఏమిటి అని అడిగాడు" కిషోర్. "మేడం తిట్టేటప్పుడు మీరు వింటారా" అనేసరికి "బైక్ స్టార్ట్ అవగానే నేను కార్ తీసుకుని వెళ్ళిపోతాను" అని చెప్పాడు. "ఈరోజు నేను మీలో ఒక సద్గురుని చూస్తున్నా" అన్నాడు కిషోర్. "కుక్కపిల్లకు బిస్కెట్ వేసి దా దా అంటే ఎలా ఫాలో అవుతుందో నేను అలాగే ఫాలో ఐపొతూ వెళ్తాను" అని చెప్పాడు. "నీకు శాశ్వతికి చాలా హ్యాపీగా ఉంది కదా నన్ను తిడుతూ ఉంటే అని కొంచెం ఫీలయ్యాడు బ్రహ్మాజీ. నిన్ను ఒక్కసారి తిడితే మళ్ళీ మూడు రోజులు భోజనం చెయ్యవు" అని అన్నాడు. మే 2న ప్రసారమయ్యే ఈ కార్యక్రమానికి సంబంధించిన ప్రోమోను రీసెంట్ గా రిలీజ్ చేశారు మేకర్స్. బ్రహ్మాజీ బెంగాలీ అమ్మాయిని ప్రేమించి పెళ్లి చేసుకున్న సంగతి అందరికీ తెలిసిందే. బ్రహ్మాజీ గులాబి, నిన్నే పెళ్లాడతా, సింధూరం వంటి మూవీస్ తో కెరీర్ స్టార్ట్ చేసి మంచి పాపులారిటీ వచ్చింది. తర్వాత పదేళ్లపాటు ఎన్నో రకాల క్యారెక్టర్స్ లో చేసాడు. ఇప్పుడు మాత్రం కమెడియన్ గా, సహాయ నటుడిగా, నెగెటివ్ షేడ్స్ ఉన్న రోల్స్ లో నటిస్తున్నాడు.