బిగ్ బాస్ ఉల్టా పల్టాతో ఈ సీజన్ సరికొత్తగా మొదలైంది. సక్సెస్ ఫుల్ గా పదకొండు వారాలు పూర్తిచేసుకొని పన్నెండవ వారం రన్ అవుతుంది. కామన్ మ్యాన్ దగ్గర నుండి సెలబ్రిటీలు సైతం బిగ్ బాస్ ని చూస్తుంటారు. మొన్న మూవీ ప్రమోషన్స్ కి వచ్చిన హీరో శ్రీకాంత్ బిగ్ బాస్ ఇప్పటి వరకు ఒక్క ఎపిసోడ్ కూడా మిస్ అవలేదని చెప్పుకొచ్చిన విషయం తెలిసిందే. దీన్ని బట్టే తెలుస్తుంది బిగ్ బాస్ కి ఎంత క్రేజ్ ఉందో. ఈ సీజన్ మరికొన్ని వారాల్లో  పూర్తి కానుంది. దీంతో ఎవరి గేమ్ ఎలా ఉందో? ఎవరి బిహేవియర్ ఎలా ఉందోనని ఒక అంచనాకి వచ్చి ప్రతీవారం నామినేషన్ లో ఉన్న తమ కంటెస్టెంట్ కీ ఓటు వేసి సేవ్ చేస్తున్నారు. ప్రస్తుతం హౌస్ లో పది మంది ఉండగా గత వారం నో ఎలిమినేషన్ అని నాగార్జున చెప్పడంతో అశ్విని, గౌతమ్ ఇద్దరు సేవ్ అయ్యారు.

భారీ అంచనాల మధ్య మొదలైన ఈ సీజన్‌‌.. అంచనాలకు తగ్గట్టు కంటెస్టెంట్స్ బాగా ఎంటర్‌టైన్‌మెంట్ ఇస్తున్నారు. గత వారం ఫ్యామిలీ వీక్ లో ప్రతీ కంటెస్టెంట్ యొక్క ఫ్యామిలీ వచ్చి వారి అభిప్రాయాలని చెప్తూ.. టాప్-5 లో ఎవరుంటారనేది పెట్టడం జరిగింది. అందులో కామన్ గా శివాజీ, ప్రశాంత్, యావర్ ఉండడం జరిగింది. ఇలా ఒక్కొక్కరి అభిప్రాయంలో తమ టాప్-5 ని సెలెక్ట్ చేయడంతో హౌస్ లోని వారందరికి ఒక ఐడియా వచ్చేసింది.

అసలు విషయనికొస్తే బిగ్ బాస్ హౌస్ లో ఉన్న వారి గురించి ఫ్రెండ్స్ మరియు ఫ్యామిలీ.. ఇలా ఎవరికి వారే తమ సపోర్ట్ ని ఇస్తున్నారు. సిరి హనుమంత్ తన ఇన్ స్టాగ్రామ్ లో ఆస్క్ మీ క్వశ్చనింగ్ లో కొన్ని విషయాలని షేర్ చేసుకుంది. మీ దృష్టిలో బిగ్ బాస్ హౌస్ లోని వారిలో టాప్-5 ఎవరని తన అభిమానులు అడుగగా.. నాకు అమర్, అర్జున్ టాప్ 5 లో ఉండాలని ఉంది. ఉండాలి కూడా గేమ్ బాగా ఆడుతున్నారు. ఇంక శివాజీ, ప్రశాంత్ టాప్-5 లో ఉంటారు. శోభాశెట్టి, యావర్ ఈక్వల్ గా ఆడుతున్నారు. శోభాశెట్టికి నెగెటివిటి ఎక్కువగా ఉంది. శివాజీ, ప్రశాంత్, యావర్ లు టాప్-5 ఉంటారు. అమర్ దీప్, శోభాశెట్టి కూడా ఉండాలని కోరుకుంటున్నానంటూ సిరి తన అభిప్రాయాన్ని అభిమానులతో పంచుకుంది.