"ఆదివారం విత్ స్టార్ మా పరివారం" షోకి  ఈ వారం "హిడింబా" మూవీ టీమ్ వచ్చేసింది. ఈ షోకి అశ్విన్ బాబు, రఘు కుంచె, డైరెక్టర్ అనిల్ కృష్ణ, సాహితి వచ్చారు.."హిడింబా అనగానే ఎందుకు మీరు అశ్విన్ గారినే సెలెక్ట్ చేసుకున్నారు" అని శ్రీముఖి అడిగింది. "కటౌట్ చూసారు కదా. చెప్పాలంటే ఈ మూవీ అందరికీ ఛాలెంజింగ్ . టెక్నిషన్స్ కి, ఆర్టిస్ట్స్ కి ఈ మూవీ ఒక ఛాలెంజింగ్ అని చెప్పొచ్చు. ఈ మాట ఎందుకు అన్నమాటే మూవీ చూసాకే అర్ధమవుతుంది" అని చెప్పారు అనిల్ కృష్ణ. ఇక మూవీలో నందిత శ్వేతా ఉన్నారు ఇక ఇప్పుడు ఈ స్టేజి మీదకు మరో రోల్ లో నటించిన సాహితి వచ్చారు.."మరి సాహితి మీకు ఈ మూవీలో చేయడం ఎలా అనిపించింది అని అడిగింది.

"అందరికీ బోనాల శుభాకాంక్షలు...మూవీ చేసింది కొద్ది రోజులే ఐనా అందరితో నా జర్నీ చాలా బాగా జరిగింది." అని చెప్పింది. "ఇక్కడ ఉన్న ఒక వ్యక్తి నాకు మ్యూజిక్ డైరెక్టర్ గా మాత్రమే పరిచయం కానీ మూవీలో మాత్రం వెరీ వెరీ ఇంపార్టెంట్ రోల్ అంట" అని శ్రీముఖి రఘు కుంచెని అడిగేసరికి "ఏదోలేబ్బా జీవితంలో అప్పుడప్పుడు కొంచెం మార్పు ఉండాలి కదా అన్నాడు. నా రోల్ గురించి నేను లీక్ చేయకూడదు...కానీ నా రోల్ పేరు దుర్యోధన" అని చెప్పారు. ఇక ఎవరో గిఫ్ట్ బాక్స్ పంపించారంటూ హరి ఒక రెడ్ బాక్స్ ని శ్రీముఖి దగ్గరకు తీసుకొచ్చేసరికి అది రెడ్ బాక్స్ జాగ్రత్త అని కస్తూరి చెప్పడంతో శ్రీముఖి భయపడింది. "నువ్వు రెడ్ వేసుకుంటే వేసుకున్నావ్ కానీ నైట్ వెళ్ళేటప్పుడు మాత్రం ఈ రెడ్ ఓణీ వేసుకెళ్తే నేనేం చేయలేను" అన్నాడు అశ్విన్. "మరి మీ హీరోయిన్ కూడా రెడ్ డ్రెస్ వేసుకొచ్చిందిగా" అంది శ్రీముఖి. "తనను కాపాడడానికి నేను ఉన్నా కదా" అన్నాడు అశ్విన్. ఇక గిఫ్ట్ బాక్స్  లో మేక కొమ్ములతో ఉన్న ప్లాస్టిక్ మాస్క్ ని  బయటికి తీస్తుంది. అది చూసిన అశ్విన్ మూవీలో ఈ మాస్క్ చాటు ఉన్న మనిషిని పట్టుకోవడమే స్టోరీ అని చెప్పారు.