దీప్తి సునైనా.. షార్ట్ ఫిల్మ్స్ ద్వారా ఫేమ్ లోకి వచ్చింది. ఆ తర్వాత బిగ్ బాస్ లోకి ఎంట్రీ ఇచ్చింది ఈ అమ్మడు. దీప్తి సునైన షణ్ముఖ్ జస్వంత్ కలిసి షార్ట్ ఫిల్మ్స్ చేసి సన్నిహితంగా మారి లవ్ లో పడిపోయారు. ఎటు చూసిన సోషల్ మీడియాలో షణ్ముఖ్, దీప్తి సునైనల జంటనే కన్పిస్తుంది. 

షణ్ముఖ్ జస్వంత్ బిగ్ బాస్ లో ఉన్నప్పుడు తనకి దీప్తి సపోర్ట్ బాగా ఉండేది. బిగ్ బాస్ నుండి బయటకు వచ్చాక షన్ను, దీప్తి సునైనా ఇద్దరు విడిపోయారు. వాళ్ళు విడిపోవడానికి కారణం బిగ్ బాస్ హౌస్‌లో షణ్ముఖ్ ఉన్నప్పుడు.. సిరితో క్లోజ్ గా ఉండడం వల్లనే.. వాళ్ళిద్దరికి బ్రేకప్ అయ్యిందని అప్పట్లో ఆ న్యూస్ వైరల్ గా మారిన విషయం అందరికి తెలిసిందే. షణ్ముఖ్, దీప్తి సునైన ఇద్దరు విడిపోయి.. ఎవరి దారి వాళ్ళు చూసుకున్నారు. అయితే రెండు మూడు సందర్బాలలో ఈవెంట్స్ లో ఎదురుపడినా పరిచయం లేనట్లుగా ఉన్నారు. కాగా ఇద్దరు ఒకరి గురించి మరొకరు ఇండైరెక్ట్ గా తమ ఇన్ స్టాగ్రామ్ పేజీలలో మాట్లాడుకుంటున్నారు. అంటే సెటైరికల్ గా ఒకరి పోస్ట్ కి మరొకరు కౌంటర్లు వేస్తూ పోస్ట్ లు చేస్తున్నారు. 

దీప్తి సునైన లవ్ బ్రేకప్ అయినప్పటి నుండి తన పరిధిలో తను ఎంజాయ్ చేస్తూ లైఫ్ ని గడుపుతుంది. తనకి సంబంధించిన అప్డేట్స్ ని ఎప్పటికప్పుడు ఇన్ స్టాగ్రామ్ లో పోస్ట్ చేస్తూ తన ఫాన్స్ కి దగ్గరగా ఉంటుంది దీప్తి సునైన. కాగా తాజాగా ఒక వీడియోని తన ఇన్ స్టాగ్రామ్ లో పోస్ట్ చేసింది దీప్తి. షణ్ముఖ్, దీప్తి కలిసి చేసిన ప్రైవేట్ ఆల్బమ్ సాంగ్ ' మలుపు'  కి అవార్డ్ వచ్చిందంటూ తన హ్యాపీనెస్ ని షేర్ చేసుకుంది దీప్తి సునైన. అవార్డియో సంస్థ వారు ఇచ్చి‌న అవార్డ్స్ లో ' బెస్ట్ మ్యూజిక్ ఆఫ్ ది ఇయర్ 2023 ' వీళ్ళిద్దరు కలిసి చేసిన మలుపుకి వచ్చింటూ తన ఇన్ స్టాగ్రామ్ లో పోస్ట్ చేసింది. కాగా ఈ పోస్ట్ చూసి దీప్తి, షణ్ముఖ్ ల కామన్ ఫ్రెండ్స్ హ్యాపీగా ఫీల్ అవుతున్నారు. దీంతో మరోసారి వీరిద్దరు ట్రెండింగ్ లోకి వచ్చేసారు.