బిబి జోడి సీజన్ 2 కి సంబంధించి లేటెస్ట్ గా మరో ప్రోమో రిలీజ్ అయ్యింది. ఆర్జే చైతు - కీర్తి భట్, సాయి శ్రీనివాస్ - నయని పావని జోడీస్ స్టేజి మీదకు వచ్చాయి. "సదా మేడం మ్యాచింగ్ మ్యాచింగ్ బ్లు బ్లూ" అంటూ సదాతో ఫన్ చేసాడు ఆర్జే చైతు. "మార్క్స్ లో ఏమీ తేడా రాదు" అంటూ సదా కౌంటర్ వేసింది. "శ్రీదేవి మేడం బ్లడ్ మేడం రెడ్డు" అనేసరికి "అయ్యో" అనేసింది. "మరి సర్ " అంటూ ప్రదీప్ శేఖర్ మాస్టర్ వైపు చూపించేసరికి "వద్దు బాబు వద్దు" అనేశాడు.

తర్వాత నయనిపావని - సాయి శ్రీనివాస్ కలిసి కాండిల్ థీమ్ తో చేసిన సాంగ్ కి జడ్జ్ సదా ఫిదా ఐపోయి "నాకు రెండు కాండిల్స్ లా అనిపించలేదు.. ఒక కాండిల్ పెర్ఫార్మ్ చేసినట్టు అనిపించింది" అంటూ చెప్పింది.

తర్వాత హోస్ట్ ప్రదీప్ సాయి శ్రీనివాస్ ని ఒక ప్రశ్న అడిగాడు. "హాయ్ నీ లైఫ్ లో వెలుగునిచ్చి నిన్ను ఇలా సపోర్ట్ చేసే పర్సన్ ఎవరు" అని అడిగాడు. " మా అక్క మా నాన్న నాకు చాలా సపోర్ట్ చేశారు. ఇంట్లో నేనెప్పుడూ డిపెండెంట్ నే. నిజానికి మా ఇంటి రెంట్ కూడా మా అక్కే కట్టేది. మా అక్క నాకు ఒకేసారి మదర్ ఐపోయింది. ఎనర్జిటిక్ గా కనిపించాలన్న, బాగా కనిపించాలి అన్నా బాగా మెయింటెనెన్స్ చేయాల్సి ఉంటుంది. దానికి చాలా ఖర్చు కూడా అవుతుంది. చాలామందికి తెలీదు. సో ఈ ప్రాసెస్ లో ఏ ఒక్క క్వశ్చన్ అడక్కుండా చూసుకునేది. నా లాంటి అబ్బాయిలకు వెనకాల ఇంత స్ట్రాంగ్ గా ఉండేది ఇలాంటి ఆడవాళ్లే..వి లవ్ యు" అంటూ సడెన్ సర్ప్రైజ్ గా స్టేజి మీదకు వచ్చిన వాళ్ళ అక్కను చూసి షాకయ్యాడు.