English | Telugu

Home  
Featured Articles

మ్యూజిక‌ల్ సెన్సేష‌న్ 'ఆర్ ఎక్స్ 100'కి ఐదేళ్ళు.. యూత్ కి పిచ్చెక్కించిన ఫిల్మ్

శ‌రీర వాంఛ‌లు తీర్చుకోవ‌డానికి శివ అనే ఓ యువ‌కుడిని ప్రేమ పేరుతో మోసం చేసిన ఇందు అనే ఓ యువ‌తి క‌థే.. 'ఆర్ ఎక్స్ 100'.  నూత‌న ద‌ర్శ‌కుడు అజ‌య్ భూప‌తి రూపొందించిన ఈ గ్రామీణ నేప‌థ్య ప్రేమ‌క‌థా చిత్రం.. అప్ప‌ట్లో యువ‌త‌ని పిచ్చెక్కించింది. ఇందులో ప్రేమ పేరుతో మోసం చేసే యువ‌తిగా నెగెటివ్ షేడ్స్ ఉన్న క‌థానాయిక పాత్ర‌లో పాయ‌ల్ రాజ్ పుత్ మెస్మ‌రైజ్ చేయ‌గా.. ఆ యువ‌కుడి పాత్ర‌లో కార్తికేయ ఆక‌ట్టుకున్నాడు. రావు ర‌మేశ్, రాంకీ ముఖ్య పాత్ర‌ల్లో ద‌ర్శ‌న‌మిచ్చారు.

మ‌ల్టిస్టార‌ర్ మూవీ 'పుట్టినిల్లు మెట్టినిల్లు'కి 50 ఏళ్ళు.. 'కుండ‌మార్పిడి' ఫ్యామిలీ డ్రామా

సూప‌ర్ స్టార్ కృష్ణ‌, న‌ట‌భూష‌ణ్ శోభ‌న్ బాబు కాంబినేష‌న్ లో ప‌లు జ‌న‌రంజ‌క మ‌ల్టిస్టార‌ర్స్ తెర‌కెక్కాయి. వాటిలో 'పుట్టినిల్లు మెట్టినిల్లు' ఒక‌టి. త‌మిళ చిత్రం 'పుగుంద వీడు' ఆధారంగా తెర‌కెక్కిన ఈ ఫ్యామిలీ డ్రామాకి మాతృక‌ నిర్దేశ‌కుడైన ప‌ట్టు ద‌ర్శ‌క‌త్వం వ‌హించారు. ప్ర‌ముఖ నిర్మాణ సంస్థ ఏవీయ‌మ్ ప్రొడ‌క్ష‌న్స్ నిర్మించిన ఈ సినిమాలో కృష్ణ‌కి జంట‌గా చంద్ర‌క‌ళ క‌నిపించ‌గా.. శోభ‌న్ బాబుకి జోడీగా ల‌క్ష్మి అభిన‌యించింది. ఒక ముఖ్య పాత్ర‌లో మ‌హాన‌టి సావిత్రి అల‌రించారు. మాతృక‌లో కూడా సావిత్రి, ల‌క్ష్మి, చంద్ర‌క‌ళ ఇవే వేషాల్లో క‌నిపించ‌డం విశేషం.  హాస్య‌జంట రాజ‌బాబు (ద్విపాత్రాభిన‌యం), రమాప్ర‌భ  వినోదం ఈ సినిమాకి ఓ ప్ర‌త్యేక ఆక‌ర్ష‌ణ‌గా నిలిచింది. 

బ‌ర్త్ డే స్పెష‌ల్ః  మెలోడీబ్ర‌హ్మ కేరాఫ్ ఇండ‌స్ట్రీ హిట్స్

  మ‌ణిశ‌ర్మ అంటే ఇండ‌స్ట్రీ హిట్స్.. ఇండ‌స్ట్రీ హిట్స్ అంటే మ‌ణిశ‌ర్మ.. అన్న‌ట్లుగా ఒక ద‌శ‌లో తెలుగునాట‌ త‌న‌దైన హ‌వా చాటారు స్వ‌ర‌బ్ర‌హ్మ మ‌ణిశ‌ర్మ‌.  మెలోడీల‌కు కేరాఫ్ అడ్ర‌స్ గా నిల‌వ‌డ‌మే కాకుండా, బ్యాగ్రౌండ్ స్కోర్ లోనూ బ‌ల‌మైన ముద్ర వేసిన మ‌ణిశ‌ర్మ..  అప్ప‌ట్లో ప‌లు ఇండ‌స్ట్రీ హిట్స్ లో భాగమ‌య్యారు.  1999 సంక్రాంతికి విడుద‌లైన 'స‌మ‌ర‌సింహారెడ్డి'తో తొలి ఇండ‌స్ట్రీ హిట్ ని త‌న ఖాతాలో వేసుకున్న మ‌ణిశ‌ర్మ‌.. ఆపై 2001 సంక్రాంతికి సంద‌డి చేసిన 'న‌ర‌సింహ‌నాయుడు'తో మ‌రో ఇండ‌స్ట్రీ హిట్ ని సొంతం చేసుకున్నారు. అలాగే, అదే ఏడాది వేస‌వికి వినోదాలు పంచిన 'ఖుషి'తో ఇంకో ఇండ‌స్ట్రీ హిట్ లో భాగ‌మ‌య్యారు. 'ఖుషి' అనంత‌రం 2002లో ఇండ‌స్ట్రీ హిట్ గా నిలిచిన 'ఇంద్ర‌'కి కూడా మ‌ణిశ‌ర్మనే బాణీలు క‌ట్టారు. ఆపై 2006లో వ‌చ్చిన 'పోకిరి'తో చివ‌రి ఇండ‌స్ట్రీ హిట్ చూశారు మ‌ణిశ‌ర్మ‌. అలా.. త‌న త‌రం, త‌రువాతి త‌రంలో ఎవ‌రికీ సాధ్యం కాని రీతిలో అత్య‌ధిక సంఖ్య‌లో ఇండ‌స్ట్రీ హిట్స్ చూసిన కంపోజ‌ర్ గా రికార్డ్ నెల‌కొల్పారు మెలోడీ బ్ర‌హ్మ‌.

వెంక‌టేశ్ 'వ‌సంతం'కి 20 ఏళ్ళు.. క్రికెట‌ర్ వీవీఎస్ ల‌క్ష్మ‌ణ్ అతిథి పాత్ర‌లో మెరిసిన సినిమా!

ఫ్యామిలీ ఎంట‌ర్టైన‌ర్స్ అన‌గానే ఠ‌క్కున గుర్తొచ్చే క‌థానాయ‌కుల్లో విక్ట‌రీ వెంక‌టేశ్ ఒక‌రు. ఈ జాన‌ర్ లో వెంకీ న‌టించిన ప‌లు చిత్రాలు బాక్సాఫీస్ ముంగిట వ‌సూళ్ళ వ‌ర్షం కురిపించాయి. వాటిలో 'వ‌సంతం' సినిమా ఒక‌టి. ఆడ‌, మ‌గ స్నేహం చుట్టూ అల్లుకున్న ఈ చిత్రంలో వెంక‌టేశ్ కి జోడీగా ఆర్తి అగ‌ర్వాల్ న‌టించ‌గా, స్నేహితురాలి పాత్ర‌లో క‌ళ్యాణి ద‌ర్శ‌న‌మిచ్చింది.  ఆకాశ్, సునీల్, చంద్ర‌మోహ‌న్, త‌నికెళ్ళ భ‌ర‌ణి, హేమ‌, ఆహుతి ప్ర‌సాద్, కొండ‌వ‌ల‌స‌, ధ‌ర్మ‌వ‌ర‌పు సుబ్ర‌హ్మ‌ణ్యం, ఎల్బీ శ్రీ‌రామ్, ప్ర‌సాద్ బాబు, సూర్య‌, వైజాగ్ ప్ర‌సాద్, శివారెడ్డి, మాస్ట‌ర్ తేజ‌ ఇత‌ర ముఖ్య పాత్ర‌ల్లో క‌నిపించారు. క్రికెట‌ర్ వీవీఎస్ ల‌క్ష్మ‌ణ్ అతిథి పాత్ర‌లో మెరిశారు. 'సూర్య‌వంశం' మాతృక ద‌ర్శ‌కుడైన‌ విక్ర‌మ‌న్.. తెలుగులో నేరుగా రూపొందించిన తొలి సినిమా ఇదే కావ‌డం విశేషం.

ఈవీవీ 'క‌న్యాదానం'కి పాతికేళ్ళు.. అప్ప‌ట్లో వినూత్న క‌థాంశంతో తెర‌కెక్కిన సినిమా!

ఓ ఆడ‌పిల్ల తండ్రి.. క‌న్యాదానం చేయ‌డ‌మ‌న్న‌ది అనాదిగా ఉన్న వ్య‌వ‌హార‌మే. అయితే.. త‌న భార్య‌ ప్రేమించిన వ్య‌క్తికే ఆమెని క‌న్యాదానం చేసిన భ‌ర్తని మాత్రం క‌నివిని ఎరుగం. అలాంటి  ఓ భ‌ర్త క‌థే.. 'క‌న్యాదానం' చిత్రం. వినూత్న క‌థాంశాల‌కు చిరునామాగా నిలిచిన ప్ర‌ముఖ ద‌ర్శ‌కుడు ఈవీవీ స‌త్య‌నారాయ‌ణ తెర‌కెక్కించిన ఈ సినిమాలో భ‌ర్త‌గా శ్రీ‌కాంత్, భార్య‌గా ర‌చ‌న న‌టించ‌గా.. ప్రియుడు పాత్ర‌లో ఉపేంద్ర (తెలుగులో త‌న‌కిదే తొలి చిత్రం) అల‌రించాడు. కోట శ్రీ‌నివాస‌రావు, బ్ర‌హ్మానందం, ఎమ్మెస్ నారాయ‌ణ‌, త‌నికెళ్ళ భ‌ర‌ణి, క‌విత‌, శివాజీ, రాజీవ్ క‌న‌కాల‌, గోకిన రామారావు, వినోద్ బాల, మాధ‌విశ్రీ (వ‌ర్ష) ఇత‌ర ముఖ్య పాత్ర‌ల్లో ద‌ర్శ‌న‌మిచ్చారు. 

సంచ‌ల‌న 'సింహాద్రి'కి 20 ఏళ్ళు.. అప్ప‌ట్లో 'సింగ‌మ‌లై' దెబ్బ‌కి బాక్సాఫీస్ అబ్బా అనేసింది!

కొన్ని కాంబినేష‌న్స్ అంతే గురూ! ఏదో మంత్ర‌మేసిన‌ట్టు.. జ‌ట్టుక‌ట్టిన ప్ర‌తీసారి హిట్టుకొట్టేస్తుంటాయి. అలాంటి మ్యాజిక‌ల్ కాంబోల్లో.. యంగ్ టైగ‌ర్ ఎన్టీఆర్, ద‌ర్శ‌క‌ధీరుడు రాజ‌మౌళి సో స్పెష‌ల్ అంతే. ఈ ఇద్ద‌రు క‌లిస్తే మాత్రం.. రికార్డుల ఊచ‌కోతే. వీరి క‌ల‌యిక‌లో వ‌చ్చిన మొద‌టి చిత్రం 'స్టూడెంట్ నెంః 1' సూప‌ర్ హిట్ గా నిలిస్తే.. ఆపై వ‌చ్చిన 'సింహాద్రి', 'య‌మ‌దొంగ‌', 'ఆర్ ఆర్ ఆర్' సరికొత్త రికార్డులు సృష్టించాయి. మ‌రీ ముఖ్యంగా.. 'సింహాద్రి' అయితే ఊర మాస్ ఆడియ‌న్స్ ని ఓ రేంజ్ లో మెస్మ‌రైజ్ చేసిప‌డేసింది. 

మూడు ద‌శాబ్దాల‌ 'కొండ‌ప‌ల్లి రాజా'.. కొన్ని ఆస‌క్తిక‌ర‌మైన విశేషాలు మీ కోసం!

'చంటి'(1992)తో తెలుగునాట‌ ఇండ‌స్ట్రీ హిట్ కొట్టిన కాంబినేష‌న్.. విక్ట‌రీ వెంక‌టేశ్, స్టార్ డైరెక్ట‌ర్ ర‌విరాజా పినిశెట్టిది. ఆ చిత్రం త‌రువాత ఈ ఇద్ద‌రి క‌ల‌యిక‌లో వ‌చ్చిన సినిమా 'కొండ‌ప‌ల్లి రాజా'(1993). 'చంటి' ఎలాగైతే రీమేక్ మూవీనో.. 'కొండ‌ప‌ల్లి రాజా' సైతం రీమేక్ చిత్రం కావ‌డం విశేషం. త‌మిళ సినిమా 'చిన్న తంబి' (1991) ఆధారంగా 'చంటి' తెర‌కెక్కితే.. 'కొండప‌ల్లి రాజా' కూడా 'అణ్ణామ‌లై' (1992) అనే త‌మిళ చిత్రం ఆధారంగా రూపొందింది. ప్ర‌స్తావించ‌ద‌గ్గ విష‌య‌మేమిటంటే.. 'అణ్ణామ‌లై' కూడా రీమేక్ నే. 1987లో విడుద‌లైన హిందీ చిత్రం 'ఖుద్ గ‌ర్జ్' ఆధారంగా  'అణ్ణామ‌లై' త‌యారైంది. అయితే, 'అణ్ణామ‌లై' కంటే ముందు 'ఖుద్ గ‌ర్జ్'కి రీమేక్ గా తెలుగునాట 'ప్రాణ స్నేహితులు' (1988) (కృష్ణంరాజు, శ‌ర‌త్ బాబు, రాధ‌) రూపొంద‌డం విశేషం. అంటే.. 5 ఏళ్ళ వ్య‌వ‌ధిలో ఒకే క‌థ‌తో 'ప్రాణ స్నేహితులు', 'కొండ‌ప‌ల్లి రాజా' తెర‌కెక్కాయ‌న్న‌మాట‌.  మ‌రో విష‌య‌మేమిటంటే.. ఇటు 'ప్రాణ స్నేహితులు'లోనూ, అటు 'అణ్ణామ‌లై'లోనూ హీరోకి ఫ్రెండ్ గా శ‌ర‌త్ బాబు న‌టించారు.

దర్శకురాలిగా సావిత్రి తొలి సినిమా 'చిన్నారి పాపలు'కు 55 యేళ్లు!

సావిత్రి మహానటి. ఎంతటి మహానటో అంతటి దయాశీలి. అంతేకాదు, ఆమెలో చక్కని దర్శకురాలు కూడా ఉంది. ఆమె తొలిసారి దర్శకత్వం వహించిన 'చిన్నారి పాపలు' చిత్రం విడుదలై జూన్ 21కి 55 యేళ్లు నిండుతున్నాయి. ఇదే రోజు 1968లో ఆ సినిమా ప్రేక్షకుల ముందుకు వచ్చింది.

అపురూప సంగీత దృశ్యకావ్యం 'సాగరసంగమం' వయసు 40 యేళ్లు!

తెలుగు చిత్రసీమ గర్వంగా చెప్పుకొనే సినిమాల్లో ఒకటైన 'సాగరం సంగమం' విడుదలై నేటికి సరిగ్గా 40 వసంతాలు. గొప్ప నటులు కమల హాసన్, జయప్రద ప్రధాన పాత్రలు ధరించిన ఈ క్లాసిక్ మూవీని దిగ్దర్శకులు కె. విశ్వనాథ్ రూపొందించారు. ఆ ముగ్గురితో పాటు, చిత్ర నిర్మాత ఏడిద నాగేశ్వరరావుకు ఈ సినిమా ఒక ప్రత్యేకమైన గుర్తింపును, గౌరవాన్నీ సాధించిపెట్టింది. చూసిన ప్రతిసారీ ఏదో ఒక కొత్త విషయం మనకు తెలియజేసే సినిమా 'సాగర సంగమం'.

శకపురుషుని శతజయంతి.. జయహో ఎన్టీఆర్! 

సామాన్యుడిగా మొదలై, అసామాన్యునిగా ఎదిగి నిలిచిన శకపురుషుడు నందమూరి తారక రామారావు. జగదేక సుందర రూపం, నవ నవోన్మేష చైతన్య స్వరూపం తారకరామనామధేయం. ఇటు సినీ జగత్తులోనూ, అటు రాజకీయ రణరంగంలోనూ రాణకెక్కిన ప్రతిభా భాస్వంతం. వెండితెరపై ఎన్నో పాత్రలు పోషించి అన్నింటా అగ్రగామిగా నిలిచి, నిజజీవిత నాటకరంగంలోనూ కొడుకుగా, భర్తగా, తండ్రిగా, తాతగా, నాయకుడిగా, మహానాయకుడిగా, ప్రతిపక్ష నాయకుడిగా.. ఇన్ని పాత్రలు గొప్పగా పోషించి అనితరసాధ్యుడు అనిపించుకున్న మహామనీషి ఎన్టీఆర్.

అల్లు అర్జున్ 'పరుగు'కు పదిహేనేళ్లు!

పెద్ద కూతురు ప్రేమించిన యువకుడితో వెళ్లిపోతే, ఒకవైపు ఆమె కోసం గాలిస్తూ, మరోవైపు తన చిన్నకూతురు కూడా అలాగే చేస్తుందేమోనని ఆందోళనపడే ఒక ఫ్యాక్షనిస్ట్ కథతో బొమ్మరిల్లు భాస్కర్ రూపొందించిన 'పరుగు' సినిమాని ప్రేక్షకులు ఆదరించి, బాక్సాఫీస్ దగ్గర విజయాన్ని సాధించిపెట్టారు. అల్లు అర్జున్ హీరోగా నటించిన ఈ సినిమా విడుదలై నేటికి.. అంటే మే 1వ తేదీకి సరిగ్గా 15 యేళ్లు. నీలకంఠం అనే ఫ్యాక్షనిస్టుగా ప్రకాశ్‌రాజ్ నటించిన ఈ సినిమాలో ఆయన చిన్నకూతురు మీనాక్షిగా షీలా చేసింది.

నలభై ఏళ్ల 'రెండు జెళ్ల సీత'

ముళ్లపూడి వెంకటరమణ తన బుడుగు భాషలో సృష్టించిన పాత్రను టైటిల్‌గా పెట్టి హాస్యబ్రహ్మ జంధ్యాల సృషించిన అందమైన చిత్రం 'రెండు జెళ్ల సీత'. శ్రీ భ్రమరాంబికా ఫిలిమ్స్ బ్యానర్‌పై కె. కేశవరావు నిర్మించిన ఈ సినిమాకు రమేశ్ నాయుడు సమకూర్చిన సంగీతం బిగ్ ఎస్సెట్. ప్రేక్షకులకు చక్కని వినోదాన్ని పంచిన ఈ మూవీ సరిగ్గా 40 సంవత్సరాల క్రితం.. 1983 మార్చి 31న ప్రేక్షకుల ముందుకు వచ్చింది. ఈ చిత్రానికి కథ, మాటలను జంధ్యాల స్వయంగా రాశారు.

ఎన్టీఆర్ 'దేశోద్ధారకులు' విడుదలై నేటికి 50 వసంతాలు

శకపురుషుడు నందమూరి తారకరామారావు నటించిన తొలి రంగుల సాంఘిక చిత్రం 'దేశోద్ధారకులు'. ఎన్టీఆర్ మేనత్త కుమారుడు, అభిరుచి కలిగిన నిర్మాత, దర్శకునిగా పేరున్న యు. విశ్వేశ్వరరావు నిర్మించిన ఈ చిత్రానికి సి.యస్. రావు దర్శకత్వం వహించారు. దీప్తి ఇంటర్నేషనల్ పతాకంపై తెరకెక్కిన ఈ సినిమాలో తారకరాముని జోడీగా అప్పటి అగ్ర తార వాణిశ్రీ నటించారు. ప్రేక్షకుల విశేషాదరణ పొందిన దేశోద్ధారకులు సినిమా సరిగ్గా 50 ఏళ్ల క్రితం.. 1973 మార్చి 29న విడుదలైంది. కె.వి. మహదేవన్ స్వరాలు కూర్చిన ఈ సినిమాలోని పాటలన్నీ పాపులరే.

తారకరాముడిని శ్రీరామునిగా జనం గుండెల్లో నిలిపిన 'లవకుశ'కు 60 ఏళ్లు!

"రామన్న రాముడూ కోదండ రాముడూ శ్రీరామచంద్రుడు వచ్చాడురా.. మన సీతమ్మ తల్లితో వచ్చాడురా.." అంటూ శ్రీరామ పట్టాభిషేకంతో మొదలైన ఉత్తర రామాయణ గాథను వెండితెరపై చూస్తూ జనం మైమరచి, పులకించి, పులకరించిపోయి ఇవాళ్టికి 60 వసంతాలు గడిచిపోయాయి. అవును. సమ్మోహనాకారుడు నందమూరి తారకరామారావు జనం గుండెల్లో శ్రీరామచంద్రునిగా నిలిచిపోవడానికి కారణభూతమైన మహోన్నత పౌరాణిక చిత్రం 'లవకుశ' విడుదలైంది 60 ఏళ్ల క్రితం.. అనగా 1963 మార్చి 29న.

'శివయ్య'గా రాజశేఖర్ అలరించి నేటికి పాతికేళ్లు!

రాజశేఖర్ హీరోగా సురేశ్ ప్రొడక్షన్స్ బ్యానర్‌పై నిర్మించిన హిట్ ఫిల్మ్ 'శివయ్య'. 'మృగం'తో డైరెక్టర్‌గా పరిచయమై అందర్నీ తనవైపుకు తిప్పుకున్న సురేశ్ వర్మ డైరెక్ట్ చేసిన ఈ సినిమాలో మోనికా బేడి, సంఘవి నాయికలుగా నటించారు. ఎం.ఎం శ్రీలేఖ సంగీతం సమకూర్చిన పాటలు జనాదరణ పొందాయి. సరిగ్గా పాతికేళ్ల క్రితం.. 1998 మార్చి 27న 'శివయ్య' చిత్రం విడుదలైంది.