షూటింగ్కు వెళ్లడానికి ముందే డైలాగ్స్ అన్నీ తన స్టైల్లో చెప్పిన ఎన్టీఆర్!
ఒక గ్రీన్ కలర్ మోరిస్ మైనర్ కారు కోడంబాకం హైరోడ్డులోని ఒక ఇంటి గుమ్మానికి కొంచెం దూరంగా ఆగింది. డ్రైవర్ సీట్లోంచి ఒక అందమైన యువకుడు దిగాడు. తెలుగుతనం ఉట్టిపడేలా పంచెకట్టు, లాల్చీ, చేతిలో ఓ ఫైలు పట్టుకొని, కారు డోర్ తాళంవేసి, ముందుకు నడిచి, ఆ ఇంటి గేటువేపు కదిలాడు. ఆ ఇంటి ముందు ఎడమ పక్కనున్న ఓ పర్ణశాలలోకి అడుగుపెట్టాడు.