రామ్ చరణ్ "మెరుపు" వినాయక్ చేయటం లేదు అని విశ్వసనీయ వర్గాల ద్వారా అందిన సమాచారం. వివరాల్లోకి వెళితే ధరణి దర్శకత్వంలో, మెగాపవర్ స్టార్ రామ్ చరణ్ తేజ హీరోగా, మెగా సూపర్ గుడ్ ఫిలింస్ పతాకంపై, యన్.వి.ప్రసాద్, పరాస్ జైన్ నిర్మిస్తూ ఆపేసిన చిత్రం "మెరుపు". కారణం ధరణికి బడ్జెట్ మీద అదుపులేకపోవటమేనంటే అతిశయోక్తి కాదు. ఈ విషయంలో మెగాస్టార్ చిరంజీవి కల్పించుకుని ధరణిని బడ్జెట్ అదుపు చేయాల్సిందనీ, లేదా సినిమా ఆపేయమనీ కోరినట్లు తెలిసింది.

అంతకు ముందే "ఆరెంజ్" సినిమాకి ఇలా బడ్జెట్ అదుపుచేయక పోవటం వల్లే నాగబాబు చాలా పెద్ద నష్టాన్ని చవిచూడాల్సి వచ్చింది. అయితే ఆగిన ఈ "మెరుపు" సినిమాని వి.వి.వినాయక్ పూర్తిచేస్తారని వినపడింది. కానీ అది అబద్ధమనీ, గీతా ఆర్ట్స్ పతాకంపై, రామ్ చరణ్ కోసం ఆకుల శివ తయారు చేసిన స్క్రిప్ట్ కి, వినాయక్ తుదిమెరుగులు దిద్దుతున్నారని తెలిసింది. గతంలో విక్టరీ వెంకటేష్ హీరోగా నటించిన "లక్ష్మీ" చిత్రానికి వినాయక్ దర్శకత్వం వహించగా, ఆకుల శివ స్క్రిప్ట్ ను అందించారు.