తమిళ సూపర్ స్టార్ రజనీకాంత్(rajinikanth)నుంచి విజయదశమి కానుకగా ఈ నెల 10 న ప్రేక్షకుల ముందుకు వచ్చిన మూవీ వేట్టయన్(vettaiyan)వరల్డ్ వైడ్ గా రజనీ కెరీర్లోనే అత్యధిక థియేటర్స్ లో విడుదలైన ఈ మూవీ యుఎస్ తో పాటు మలేషియా, సింగపూర్ లో కూడా విడుదలై పాజిటివ్ టాక్ తో ముందుకు దూసుపోతుంది. మరి మొదటి రోజు కలెక్షన్స్ ఏ విధంగా ఉన్నాయో చూద్దాం.

వేట్టయన్ మొదటి రోజు వరల్డ్ వైడ్ గా  డెబ్భై కోట్ల రూపాయల గ్రాస్ కలెక్షన్ ని సాధించింది. తమిళనాడు లో ఇరవై ఆరు కోట్ల పదిహేను లక్షలు, తెలుగులో  మూడుకోట్ల రెండు లక్షలు, ఓవర్ సీస్ తో పాటు మిగతా అన్ని భాషల్లో కలిపి ఇరవై ఆరు కోట్ల పదిహేను లక్షలు ఇలా మొత్తం   డెబ్భై కోట్ల గ్రాస్ ని సాధించి ఇండియన్ సిల్వర్ స్క్రీన్ వద్ద రజనీకి ఉన్న ఛరిష్మాని మరో సారి చాటి చెప్పింది.  దసరా పండుగ నేపథ్యంలో ఈ కలెక్షన్స్ మరింత పెరిగే అవకాశం ఉందని ట్రేడ్ వర్గాలు వారు చెప్తున్నారు.

కరుడు గట్టిన నేరస్తుల్ని ఎన్ కౌంటర్ చేసే పోలీసు ఆఫీసర్ గా రజనీకాంత్ అత్యద్భుతంగా నటించగా అమితాబ్ బచ్చన్, రానా,ఫహాద్‌ ఫాజిల్‌, దుషారా విజయన్, మంజు వారియర్, రితికా సింగ్, రావు రమేష్, రోహిణి తదితరులు ప్రధాన పాత్రల్లో  చేసారు. జై భీం వంటి సూపర్ డూపర్ హిట్ చిత్రాన్ని అందించిన టి జె జ్ఞానవేల్ దర్శకుడు కాగా అనిరుద్ రవి చంద్రన్ సంగీతాన్ని అందించాడు. లైకా ప్రొడక్షన్స్ పై సుభాస్కరన్ అత్యంత భారీ వ్యయంతో నిర్మించాడు.