మెగా పవర్ స్టార్ రామ్ చరణ్(ram charan)సతీమణి ఉపాసన(upasana)కొణిదెల  బిజినెస్ ఉమెన్ గా రాణిస్తున్న విషయం అందరకి తెలిసిందే.వెల్‌నెస్‌ ఇండస్ట్రీలో ఓ శక్తిగా ఉన్న ఉపాసన తొలిసారిగా మహిళలకు వ్యాపార రంగంలో సుస్థిరమైన వ్యవస్థను సృష్టించటం కోసం తనతో చేరమని పిలుపునిస్తున్నారు. మహిళలకు పెద్ద సంఖ్యలో ఉద్యోగ అవకాశాలు కల్పించడమే లక్ష్యంగా వ్యాపార వేదికను ప్రారంభిస్తుంది.

భగవాన్‌ చౌదరి(Bhagwan Chowdhry)ఇండియన్ స్కూల్ ఆఫ్ బిజినెస్‌లో ఫైనాన్స్ ప్రొఫెసర్ మరియు ఎగ్జిక్యూటివ్ డైరెక్టర్,గా వర్క్ చేస్తుంటాడు. ఉపాసన  రీసెంట్ గా చౌదరి తో కలిసి హైదరాబాద్  స్కూల్‌ ఆఫ్ బిజినెస్ స్కూల్‌లో జరిగిన ఒక  కార్యక్రమంలో పాల్గొంది.అందులో మాట్లాడుతు మహిళల విజయానికి అవసరమైన మార్గదర్శకత్వం, వనరులు, అవకాశాలను అందించేందుకు  ఎంతో నిబద్ధతతో వర్క్ చేస్తున్నాను. అలాగే ఎంపరింగ్‌ విమెన్‌ ఎంటర్‌ప్రిన్యూవర్స్బ పేరుతో మహిళలు అన్ని రంగాల్లోనూ ముందుకు రావాలని, పాత పద్దతులను పక్కన పెట్టి వ్యాపార రంగంలో సత్తా 
 చాటాలి. అలాగే మహిళల్లో ఉన్న సృజనాత్మకత, నాయకత్వం, సామాజిక పరిస్థితులను మార్చే శక్తికి ఓ వేదికను నిర్మించాలి.నేను ప్రతి మహిళా వ్యాపారవేత్తని వెల్‌నెస్ ఇండస్ట్రీలోకి ఆహ్వానిస్తున్నానని తెలిపింది.

మనందరం కలిసి ఓ శక్తివంతమైన వేదికను నిర్మిద్దాం. అందరి సహకారంతో ఎంతటి పోటిలో అయినా గెలుపు సాధించవచ్చు. మన సమిష్టి శక్తితో వెల్‌నెస్‌ రంగంలోకి రాబోయే కొత్త తరానికి మార్గం వేద్దాం. కలిసి ఎదుగుదాం  అంటూ పిలుపునిచ్చింది.