ఇండియన్ సిల్వర్ స్క్రీన్ పై తెరకెక్కిన అతి తక్కువ అండర్ రేటెడ్ జెమ్ చిత్రాల్లో ఒన్ ఆఫ్ ది బెస్ట్ హర్రర్ థ్రిల్లర్ తుంబాడ్(tumbbad)మరాఠీ భాషలో తెరకెక్కిన ఈ మూవీ 2018 లో విడుదలవ్వగా మంచి విజయాన్ని అందుకోవడంతో పాటు కల్ట్ ఫ్యాన్ బేస్ ని కూడా  ఏర్పరుచుకుంది. ఇప్పుడు ఈ మూవీ కి సంబంధించిన తాజా న్యూస్  వాళ్లలో ఆనందాన్ని నింపుతుంది.

దర్శకుడు రాహి అనీల్ బార్వే తెరకెక్కించిన ఈ చిత్రం మళ్ళీ  రీసెంట్ గా సెప్టెంబర్ పదమూడు న రీ రిలీజ్ అయ్యింది. మళ్లీ ఇన్నేళ్ల తర్వాత బిగ్ స్క్రీన్స్ పై ఇండియా వైడ్ గా రిలీజ్ కి తీసుకురాగా ఇప్పుడు ఆడియెన్స్ నుంచి  విశేష ఆదరణ లభిస్తుంది. అయితే బిగ్ స్క్రీన్స్ లో ఈ చిత్రాన్ని చూడటమే ఒక గిఫ్ట్ అయితే మేకర్స్ మరో ఊహించని గిఫ్ట్ ని అభిమానులకి అందించారు. గత కొన్నేళ్లు క్రితం నుంచి వినిపిస్తున్న  సీక్వెల్ న్యూస్ ని  అఫీషియల్ గా రివీల్ చేశారు. క్లైమాక్స్ తర్వాత హస్తర్ తిరిగి వస్తాడు అంటూ తుంబాడ్ పార్ట్ 2 ని అధికారికంగా అనౌన్స్ చేశారు. మేకర్స్ ఇలా చేస్తారని ఎవరు  ఊహించలేదు. దీనితో పార్ట్ 2 కోసం వారంతా ఎగ్జైట్ అవుతున్నారు. మరి సీక్వెల్ ఎప్పటికి వస్తుందో చూడాలి.

సోహం షా, జ్యోతి మల్సే, దుండి రాజ్ ప్రభాకర్, రోజిని చక్రబర్తి మొహ్మద్ సమద్, హరీష్ కన్నా తదితరులు ముఖ్యపాత్రలో చేసారు. మొదటి రోజే కోటిన్నర రూపాయలు ని తన ఖాతాలో వేసుకుంది.