మహేష్ బాబు 'బిజినెస్ మ్యాన్' కథ ఏమిటనేది అందరికీ ఉత్కంఠ కలిగించే అంశంగా మారింది. వివరాల్లోకి వెళితే పూరీ జగన్నాథ్ దర్శకత్వంలో, ప్రిన్స్ మహేష్ బాబు హీరోగా నిర్మించబోయే చిత్రం "ది బిజినెస్ మ్యాన్". ఈ చిత్రానికి క్యాప్షన్ గా "గన్స్ డోంట్ నీడ్ ఎగ్రిమెంట్స్" అని నిర్నయించారు. గతంలో పూరీ జగన్నాథ్, మహేష్ బాబుల కాంబినేషన్ లో వచ్చిన "పోకిరి" చిత్రం బాక్సాఫీస్ రికార్డులను బ్రద్దలు కొట్టింది.

అందుకనే మళ్ళీ వీళ్ళిద్దరి కాంబినేషన్ లో సినిమా అంటే ప్రేక్షకుల్లో భారీ అంచనాలు ఏర్పడతాయి. ఈ చిత్రం కథ మీద అందరికీ అందుకే ఆసక్తి ఏర్పడేది. ఇక ఈ ది బిజినెస్ మ్యాన్ చిత్రం కథ విషయానికొస్తే మాఫియా బ్యాక్ డ్రాప్ లో ఈ చిత్ర కథ జరుగుతుందని సమాచారం. మామూలుగా మాఫియా బ్యాచ్ అంటే గతంలో రామ్ గోపాల వర్మ తీసిన కంపెనీ, సత్య చిత్రాలు గుర్తుకు వస్తాయి. అయినా ఈ మాఫియా అంటే ముంబాయి లేదా ఉత్తర భారతదేశానికి బాగా పరిచయముంటుంది కానీ, మన తెలుగు ప్రజలకు పెద్దగా పరిచయం లేని వ్యవహారం.

దావూద్ ఇబ్రహీం, ఛోటా రాజన్, షకీల్ అహ్మద్, అబూ సలేం వంటి అంతర్జాతీయ మాఫియా బ్యాచ్ గురించి మనవాళ్ళకు పెద్దగా అవగాహన ఉండదు. కాని పురీ జగన్నాథ్ ఆ రేంజ్‍ మనుషుల కథతోనే ఈ "ది బిజినెస్ మ్యాన్" అనే చిత్రాన్ని నిర్మిస్తున్నారని సమాచారం.