వెంకటేష్ "బాడీగార్డ్" రామానాయుడు స్టుడియోలో శరవేగంగా జరుగుతూంది. వివరాల్లోకి వెళితే శ్రీ సాయిగణేష్ ప్రొడక్షన్స్ పతాకంపై, విక్టరీ వెంకటేష్ హీరోగా, అందాల త్రిష హీరోయిన్ గా, "డాన్ శీను" ఫేం మలినేని గోపీచంద్ దర్శకత్వంలో, ప్రముఖ నిర్మాత బెల్లంకొండ సురేష్ నిర్మిస్తున్న చిత్రం "బాడీగార్డ్". మళయాళంలో సూపర్ హిట్టయిన "బాడీగార్డ్" అనే సినిమాని తమిళంలో విజయ్, ఆశిన్ జంటగా "కావలన్" (కాపలావాడు) పేరుతో నిర్మించగా ఆ సినిమా సూపర్ హిట్టయ్యింది.

అదే సినిమాని హిందీలో సల్మాన్ ఖాన్ హీరోగా రీమేక్ చేస్తూండగా, తెలుగులో వెంకటేష్ హీరోగా రీమేక్ చేస్తున్నారని వినికిడి. వెంకటేష్ "బాడీగార్డ్" సినిమాలో సలోనీ సెకెండ్ హీరోయిన్ గా నటిస్తూంది. వెంకటేష్ "బాడీగార్డ్" సినిమా షూటింగ్ ప్రస్తుతం రామానాయుడు స్టుడియోలో జరుగుతూంది. ఈ వెంకటేష్ "బాడీగార్డ్" సినిమాలోని యాక్షన్ ఎపిసోడ్స్ ని చిత్రీకరిస్తున్నారు. వెంకటేష్ "బాడీగార్డ్" సినిమాకి తమన్ సంగీతాన్ని అందిస్తూండగా, కోన వెంకట్ సంభాషణలు వ్రాస్తున్నారు.