నాగ్ "కళ్యాణ్ జ్యూయలర్స్" న్యూ యాడ్ తయారవుతుందని విశ్వసనీయ వర్గాల ద్వారా అందిన సమాచారం. వివరాల్లోకి వెళితే యువసామ్రాట్ అక్కినేని నాగార్జున ఇటీవల "కళ్యాణ్ జ్యూయలర్స్"కి బ్రాండ్ అంబాసిడర్ గా వ్యవహరిస్తున్న సంగతి ప్రేక్షకులకు తెలిసిందే. నాగార్జున నటించిన ఈ కంపెనీ యాడ్స్ కి మంచి స్పందన లభిస్తూండటంతో, "కళ్యాణ్ జ్యూయలర్స్" వారు నాగార్జునతో మరో కొత్త యాడ్ ని తయారుచేయాలని నిర్ణయించారట.

నాగార్జున నటించబోయే ఆ యాడ్ ద్వారా "కళ్యాణ్ జ్యూయలర్స్" వారు సౌతిండియన్ జ్యూయలరీ మార్కెట్లోకి చొచ్చుకునిపోవాలని ఆశిస్తున్నారు. ఈ కేరళ బేస్డ్ "కళ్యాణ్ జ్యూయలర్స్" కంపెనీ నాగార్జునతో తయారుచేయబోయే న్యూ యాడ్ ని తమిళనాడులోని సుబ్రహ్మణ్యస్వామికి సంబంధించిన ప్రసిద్ధ పళని దేవాలయంలో చిత్రీకరించాలని నిర్ణయించారు. ఈ "కళ్యాణ్ జ్యూయలర్స్" కంపెనీ నాగార్జునతో తయారుచేయబోయే న్యూ యాడ్ ని జూన్ ఎనిమిదవ తేదీన చిత్రీకరిస్తారు.