లైంగిక వేధింపుల కేసులో ఆరోపణలు ఎదుర్కుంటున్న జానీ మాస్టర్(jani master)ఆచూకీ  కోసం ప్రస్తుతం పోలీసులు వెతుకులాట ప్రారంభించారు. తన స్వగ్రామమైన నెల్లూరులో తల దాచుకున్నాడనే వార్తలు వస్తుండంతో అక్కడి పోలీసులకి హైదరాబాద్ పోలీసులు ఇన్ఫార్మ్ చెయ్యడం జరిగింది.చిత్ర పరిశ్రమలో ఇక ముందు ఇలాంటివి జరగకుండా కఠిన చర్యలు తీసుకురావాలనే డిమాండ్ అటు చిత్ర పరిశ్రమ నుంచే కాకుండా బయట ప్రజల నుంచి కూడా వస్తుంది.అలాంటి  ఈ టైం లో జానీ మాస్టర్ ని ఉద్దేశించి ప్రముఖ లేడీ కొరియోగ్రాఫర్ స్వర్ణ మాస్టర్(swarna master)మాట్లాడిన మాటలు చర్చినీయాంశ మయ్యాయి.

తాజాగా ఆమె ఒక ఇంటర్వ్యూ లో మాట్లాడుతూ బాధిత లేడీ డాన్సర్, జానీ మాస్టర్ గురించి నాకు పరిచయం లేదు.కానీ ఆ అమ్మాయి జానీ మాస్టర్ దగ్గర చాలా సంవత్సరాల పాటు  వర్క్ చేసింది. జానీ మాస్టర్ తప్పుగా ప్రవర్తించి ఉంటే అప్పుడే పోలీసులకి కంప్లైంట్ చెయ్యాల్సింది.కానీ వర్క్ మానేసిన సంవత్సరంన్నర తర్వాత ఎందుకు కంప్లైంట్ చేసింది. అసలు  మన అనుమతి లేకుండా మన ఒంటి మీద ఎవరు చేయి వెయ్యరు. మనం చెడిపోవాలన్నా, బాగుపడాలన్నా మన చేతుల్లోనే ఉంటుంది.అన్ని సంవత్సరాలు జానీ మాస్టర్ నన్ను వేధిస్తున్నాడని నువ్వు చెప్పలేదంటే ఏదో ఆశించే రాజి పడి ఉందేమో, అసలు మన మీద దాడి చేస్తుంటే ఒక్క అరుపు అరిస్తే అందరు వస్తారు కదా. నా కెందుకో జానీ మాస్టర్ మీద కావాలనే ఎవరో కుట్ర చేస్తున్నారేమో అనిపిస్తుంది. పైగా జాతీయ అవార్డు తీసుకున్నాడన్న అసూయ తో కూడా చేసి ఉండవచ్చు. అసలు ఇండస్ట్రీ లో జానీ మాస్టర్ చూడని అమ్మాయిలు ఉంటారా! అలాంటిది పర్టిక్యులర్ గా ఆ అమ్మాయినే వేధింపులకు గురి చేసాడనే విషయమే నమ్మశక్యం గా లేదు. ఎంక్వరి కరెక్ట్ గా జరిగితే అన్ని విషయాలు బయటకి వస్తాయని చెప్పుకొచ్చింది.   

ఇక స్వర్ణ మాస్టర్ సినిమాల విషయానికి వస్తే బావ బామ్మర్ది,ధర్మ చక్రం,సోగ్గాడి పెళ్ళాం,మానసిచ్చి చూడు ,ఔను వాళ్లిద్దరూ ఇష్టపడ్డారు,బంగారు బుల్లోడు, గోవిందుడు అందరి వాడేలే, వేదం,ఆర్ ఎక్స్ 100 ,యమదొంగ, రాజన్న ,డమరుకం  ఆచార్య , గౌతమీ పుత్ర శాతకర్ణి,  ఇలా ఎన్నో హిట్ చిత్రాల్లోని పాటలకి కొరియోగ్రఫీ ని అందించింది. ఇతర భాష చిత్రాలకి కూడా వర్క్ చేసింది.