'రాజ రాజ చోర' తర్వాత హీరో శ్రీవిష్ణు, దర్శకుడు హసిత్ గోలి కాంబినేషన్ లో వచ్చిన సినిమా 'శ్వాగ్‌' (Swag). పీపుల్ మీడియా ఫ్యాక్టరీ నిర్మించిన ఈ సినిమాలో రీతూవర్మ, మీరా జాస్మిన్‌,  దక్షా నాగర్కర్‌ తదితరులు ముఖ్య పాత్రలు పోషించారు. అక్టోబర్ 4న మంచి అంచనాలతో థియేటర్లలో అడుగుపెట్టిన ఈ మూవీ పరవాలేదు అనిపించుకుంది. ఇప్పుడు ఈ చిత్రం సడెన్ గా ఓటీటీలోకి వచ్చేసింది. (Swag On OTT)

'శ్వాగ్‌' డిజిటల్ స్ట్రీమింగ్ రైట్స్ ని అమెజాన్ ప్రైమ్ వీడియో దక్కించుకుంది. అయితే థియేటర్లలో విడుదలైన మూడు వారాలకే సైలెంట్ గా ఈ మూవీ ఓటీటీలో అడుగుపెట్టింది. ప్రస్తుతం ప్రైమ్ వీడియోలో 'శ్వాగ్‌' మూవీ స్ట్రీమింగ్ అవుతోంది. మరి థియేటర్లలో ఆశించినస్థాయి ఆదరణ పొందలేకపోయిన శ్వాగ్‌.. ఓటీటీలో ఎలాంటి రెస్పాన్స్ తెచ్చుకుంటుందో చూడాలి.