English | Telugu
బాలీవుడ్ కి సుప్రీత్ (కాట్రాజు)
Updated : Jan 6, 2012
బాలీవుడ్ కి సుప్రీత్ (కాట్రాజు) వెళ్ళాడని తెలిసింది. వివరాల్లోకి వెళితే "ఛత్రపతి" చిత్రంలో కాట్రాజుగా ప్రేక్షకులకు సుపరిచితుడైన సుప్రీత్ ఆ తర్వాత "మర్యాదరామన్న", "డాన్ శీను" వంటి అనేక చిత్రాల్లో విలన్ గా నటించాడు. అయితే ఈ సుప్రీత్ బాలీవుడ్ లోకి ప్రస్తుతం తన తొలి అడుగును వేస్తున్నాడు. తెలుగులో ఘనవిజయం సాధించిన "విక్రమార్కుడు" చిత్రంలో అజయ్ పోషించిన టిట్ల క్యారెక్టర్ ను హిందీ రీమేక్ చిత్రం "రౌడీ రాథోడ్" లో సుప్రీత్ పోషిస్తున్నాడు.
అక్షయ్ కుమార్ హీరోగా నటించే ఈ చిత్రానికి ప్రభుదేవా దర్శకుడు కాగా సంజయ్ లీలా బన్సాలీ నిర్మాతగా వ్యవహరిస్తున్నారు. జనవరి 9 నుండి కర్నాటకలోని బాదామి అనే ప్రదేశంలో జరిగే ఈ చిత్రం షూటింగ్ లో సుప్రీత్ పాల్గొంటారు. ఈ సందర్భంగా సుప్రీత్ కు తెలుగువన్ శుభాకాంక్షలు తెలియజేస్తోంది.