English | Telugu
చెప్పుల పోస్టర్తో సరిపెట్టిన మహేశ్ అండ్ టీం
Updated : Apr 9, 2016
సూపర్ స్టార్ మహేశ్-శ్రీకాంత్ అడ్డాల కాంభినేషన్లో తెరకెక్కుతున్న మూవీ బ్రహ్మోత్సవం. ఫస్ట్లుక్తోనే సినిమాపై భారీ హైప్ క్రియేట్ చేశాడు ప్రిన్స్. సినిమాపై క్రేజ్ తగ్గకుండా చూసేందుకు దర్శక నిర్మాతలు టీజర్ల మీద టీజర్లతో దాడి చేస్తారు. బ్రహ్మోత్సవం విషయంలో అప్పుడెప్పుడో సంక్రాంతికి వదిలిన ఫస్ట్లుక్ తప్ప మరేమి లేదు. దీనిని గ్రహించిన మూవీ టీం ఉగాది పండుగ నాడు ఓ స్పెషల్ టీజర్ విడుదల చేస్తామని చెప్పింది. కానీ టీజర్కు బదులు కేవలం ఒక పోస్టర్ని విడుదల చేసింది. వైట్ కలర్ సూట్ వేసుకున్న మహేశ్ ఎవరికో చెప్పులు తొడుగుతున్నట్టుగా మరో క్యారెక్టర్ని ఇంట్రడ్యూస్ చేసే యత్నం చేశారు. టీజర్ రీలిజ్ చేస్తారనుకుంటే పోస్టర్తో సరిపెట్టడంతో అభిమానులు నిరాశ పడ్డారు.
అయితే పోస్టర్ వెనుక చాలా స్టోరీ నడిచిందని ఫిల్మ్నగర్ టాక్ . బ్రహ్మోత్సవం ఔట్పుట్పై ఇప్పటికే చాలా అనుమానాలున్నాయంట. డైరెక్టర్ శ్రీకాంత్ అడ్డాల మూవీ మేకింగ్పై..మహేశ్ అసంతృప్తిలో ఉన్నాడని ఇండస్ట్రీ టాక్. ఇప్పుడు టీజర్ ఇస్తామని చెప్పి ఇవ్వలేకపోవడం అంటే అది ఖచ్చితంగా ప్లానింగ్ లేకపోవడమే. సినిమా కూడా అనుకున్న మేర కంప్లీట్ కాలేదని చెప్పుకుంటున్నారు. టీజర్నే టైంకి ఇవ్వలేనపుడు..సినిమాను అనుకున్న సమయానికి విడుదల చేయడం కష్టమనే టాక్ వినిపిస్తోంది.