"శ్రీరామరాజ్యం"50 రోజులు జనవరి 5 న విజయవాడలో అత్యంతవైభవంగా జరిపేందుకు ఆ చిత్ర నిర్మాత యలమంచిలి సాయిబాబు సన్నాహాలు చేస్తున్నారు. వివరాల్లోకి వెళితే సాయిబాబా పతాకంపై, యువరత్న నందమూరి బాలకృష్ణ శ్రీరామచంద్రమూర్తిగా, నయనతార సీతా మహాసాధ్విగా, లక్ష్మణుడుగా శ్రీకాంత్, భరతుడిగా సాయికుమార్, వాల్మీకిగా నటసామ్రాట్ డాక్టర్ అక్కినేని నాగేశ్వరరావు నటించగా, బాపుగారి దర్శకత్వంలో, యలమంచిలి సాయిబాబు నిర్మించిన చిత్రం"శ్రీరామరాజ్యం".

ఈ "శ్రీరామరాజ్యం" చిత్రానికి మాటలు, స్క్రీన్ ప్లే కీర్తిశేషులు ముళ్ళపూడి వేంకట రమణ అందించగా, ఇళయరాజా చక్కని సంగీతాన్నందించారు. ఈ చిత్రం 50 రోజుల ఫంక్షన్ విజయవాడ నగరంలో, అశేష అభిమానుల సమక్షంలో, జనవరి 5 వ తేదీన జరుపనున్నారు.